Næsta vor mun Siðmennt í fyrsta sinn standa fyrir borgaralegri fermingarathöfn í Vestmannaeyjum. Ár hvert stöndum við fyrir smærri hópfermingarathöfnum víða um land og við höfum fundið fyrir töluverðum áhuga frá Vestmannaeyjum í ár. Við höfum því skipulagt athöfn í Eyjum þann 9. apríl næstkomandi, og verður hún haldin í Kiwanissalnum.
Siðmennt býður einnig upp á fermingarfræðslu víðsvegar um landið en lágmarksfjöldinn svo að hægt sé að skipuleggja fræðslu á staðnum er tíu. Eins og er þá er fræðsla í Eyjum ekki í kortunum að þessu sinni, en það gæti breyst ef áhuginn er mikill. Það eru engu að síður ýmsir fræðslumöguleikar í boði fyrir fermingarbörn frá Vestmannaeyjum, hvort sem það væri fjarnám eða eitthvað af hinum fjölmörgu helgarnámskeiðum, t.d. á Selfossi, í Reykjavík eða jafnvel á Úlfsljótsvatni.
Skráning fer fram í gegnum Sportabler.
Smellið hér til að skrá barn í athöfnina í Vestmannaeyjum.
Smellið hér til að skrá barn í námskeið.
Mynd: www.vestmannaeyjar.is