Siðmennt auglýsir eftir ritfærum húmanista í tímabundið átaksverkefni við ritstörf, útgáfu, flokkun og skjölun, svo eitthvað sé nefnt. Starfið er hluti af átaksverkefni Vinnumálastofnunar, Hefjum störf, og þurfa umsækjendur að uppfylla þau skilyrði sem liggja til grundvallar þess verkefnis.
Um sex mánaða tímabundið verkefni er að ræða og 100% starfshlutall. Að þeim tíma liðnu verður verkefnið endurskoðað með möguleika á framlengingu miðað við verkefnastöðu og frammistöðu í starfi.
Helstu verkefni
- Ritstörf og ritstjórn
- Útgáfa og samantekt efnis
- Frétta- og umsagnaskrif
- Flokkun og skjölun á skjalasafni félagsins
- Almenn skrifstofustörf, svo sem símsvörun, skráning athafnabeiðna og svörun tölvupósta.
Hæfniskröfur
- Reynsla af textagerð og ritstörfum
- Skipulögð og sjálfstæð vinnubrögð
- Framúrskarandi samskiptahæfni
- Góð almenn tölvufærni
- Samsömun með húmanískum gildum og almennur áhugi og þekking á starfi Siðmenntar
Umsóknarfrestur er til og með 24. maí. Allar nánari upplýsingar um starfið veitir Siggeir F. Ævarsson, framkvæmdastjóri Siðmenntar í síma 612-3295 eða á siggeir@sidmennt.is - Senda má umsóknir beint á það netfang en einnig er hægt að sækja um í gegnum vefsvæði Vinnumálastofnunar.