Siðmennt sendi öllum framboðum til Alþingis fimm spurningar og óskaði eftir afstöðu þeirra. Svörin verða birt á næstu dögum í þeirri röð sem þau bárust.
Spurningarnar snúa að veraldlegu samfélagi og nauðsynlegt að kjósendur geti áttað sig á afstöðu framboðanna.
Styður framboðið aðskilnað ríkis og kirkju?
Já
Mun framboðið beita sér fyrir því að á næsta kjörtímabili verði hafinn undirbúningur að ferli sem ljúki með aðskilnaði ríkis og kirkju?
Já
Styður framboðið skráningu trúar- og lífsskoðanir almennings?
Nei, trú, trúleysi eða lífsskoðun eru persónuleg málefni hvers einstaklings. Það ætti að vera frjálst val hvers og eins hvort hann tjáir sig eða tjáir sig ekki um slík mál.
Mun framboðið beita sér fyrir því að þau sem standa utan trúfélaga verði undanþegin svokölluðum sóknargjöldum?
Já
Mun framboðið að beita sér fyrir því að afnema lagaskyldu (lög nr. 35/1970) um að sveitarfélögum sé skylt að sjá trúfélögum fyrir ókeypis lóðum og ívilnunum tengdum því?
Húmanistaflokkurinn leggst ekki gegn því að hið opinbera aðstoði trúfélög við að koma sér upp húsnæði fyrir starfsemi sína. Hins vegar þurfa lög eða reglur um slíkan stuðning að ná einnig til félaga trúleysingja, lífsskoðunarfélaga og annarra hliðstæðra samtaka þannig allir búi við sama rétt.
Frá Siðmennt:
Sumar gætu virst léttvægar en falla í þann flokk sem við getum kallað „frelsis“ málefni. Þó þau skori ekki hátt í áherslum kjósenda eins og t.d. heilbrigðismál og skólamál þá eru margir sem telja þau þrátt fyrir það mikilvæg. Fólk samsamar sig viðhorfum framboðanna og mátar sig við þau.
Það skal tekið fram að Siðmennt tekur ekki afstöðu til einstakra flokka eða frambjóðenda