Í tilefni af því að við munum opna fyrir skráningar á fermingarfræðslu námskeið þann 1. október næstkomandi viljum við fara saman yfir eitt námskeið á dag fram að því, af þeim námskeiðum sem standa til boða.
Nú viljum við kynna ykkur fyrir (líklegast) skemmtilegustu fermingarfræðslu á Íslandi: ÚLFLJÓTSVATN 
Námskeiðið er kennt yfir heila helgi þar sem börnin gista í tvær nætur. Brottför er á föstudögum og heimkoma á sunnudögum.
Helgin er fullpökkuð af leikjum, umræðum og vinnustofum tengdum húmanisma.
Við nýtum útilífsmiðstöðina vel og börnin fá að kynnast umhverfinu vel.