Skráðu þig fyrir 1. des

Siðmennt er veraldlegt lífsskoðunarfélag. Lífsskoðunarfélög eru eins og trúfélög, nema að þau styðjast ekki við æðri máttarvöld eða aðrar yfirnáttúrulegar kennisetningar, heldur grundvallast veraldlegum gildum. Siðmennt hefur því sömu réttindi og skyldur og trúfélög; fær úthlutað sóknargjöldum og fulltrúar hennar hafa réttindi til að gefa saman pör. Gildagrunnurinn sem Siðmennt byggir á kallast húmanismi.

Húmanismi snýst um að manneskjan treysti á hina vísindalegu aðferð þegar kemur að því að skilja hvernig alheimurinn okkar virkar, hafni hugmyndinni um hið yfirnáttúrulega og taki siðferðislegar ákvarðanir sínar með skynsemi, samúð og umhyggju fyrir fólki og dýrum að leiðarljósi. Húmanistar hafa gagnrýna hugsun í hávegum og trúa því að við getum verið góð án guðs, meira að segja þegar enginn sér til. 

Í raun ekkert. Þú gerir það einfaldlega með því að skrá þig í Siðmennt hjá Þjóðskrá, sem er öllum með íslenska kennitölu að kostnaðarlausu og tekur svona sirka þrjár mínútur. Ef þú vilt getur þú skráð þig líka á skrá okkar megin og greitt 5000 kr.- í árgjald, sem er líka valkostur sem hentar þeim sem einhverra hluta vegna vilja ekki vera á skrá hjá Þjóðskrá.

Ef þú skráir þig fyrir 1. desember 2022 fær Siðmennt 1.060 kr. á mánuði allt árið 2023 úthlutað á grundvelli aðildar þinnar.

Eins og áður hefur komið fram er starfsemi félagsins víðtæk. Félagsfólk fær dágóðan afslátt af athöfnum og útfarir félaga eru aðstandendum þeirra að kostnaðarlausu. Þá skiptir það okkur máli að allir íbúar landsins sitji við sama borð, svo aksturskostnaður athafnastjóra vegna athafnar í heimabyggð félaga er niðurgreiddur að fullu, auk þess að félagið stendur straum af kostnaði við táknmálstúlkun í athöfn ef eftir henni er óskað. Þá styrkir Siðmennt góðgerðafélög og aðra mikilvæga starfsemi, býður upp á alls konar viðburði, eins og málþing og veraldlegan valkost við þingsetningarathöfn Alþingis, og tekur þátt í alþjóðastarfi, enda er húmanismi alþjóðlega viðurkennd lífsskoðun. Stærstur hluti sóknargjaldanna fer þó í rekstur lítillar skrifstofu, með 3,1 stöðugildi, þar sem fram fer námsefnisgerð fyrir fermingarfræðslu, umsjón og bókanir athafna, stuðningur við fulltrúa félagsins (um 100 húmanistar sem sinna athöfnum og fermingarfræðslu af mikilli hugsjón) og almennur daglegur rekstur.