Athafnarstjórar Siðmenntar

Athafnaþjónusta Siðmenntar hófst formlega 29. maí 2008. Allir athafnarstjórar félagsins hafa hlotið menntun og þjálfun og hafa staðist gæðakröfur félagsins áður en þeir geta hafið athafnarstjórnun á vegum þess.  Siðmennt fékk lögformlega skráningu sem lífsskoðunarfélag í byrjun maí 2013 og fengu fyrstu athafnarstjórar félagins vígsluréttindi í kjölfarið. Vígsluréttindi til giftinga eru í umboði formanns Siðmenntar, Sigurðar Hólm Gunnarssonar (2018-), til athafnarstjóranna samkvæmt leyfisbréfi Innanríkisráðuneytisins til þeirra.

Á vegum félagsins eru nú starfandi eftirfarandi athafnarstjórar:

Helga Vala Helgadóttir

Helga Vala Helgadóttir

Ferming, Gifting, Nafngjöf, Útför

Lífið er hlaðborð. Ef þú smakkar bara einn rétt, þá missir þú af því að upplifa fjölbreytileikann. Prófaðu… og þú munt uppskera ríkulega. Helga Vala er lögmaður og leikkona, á og rekur lögmannsstofuna Völvu lögmenn í miðborg Reykjavíkur, situr í stjórn Dansmenntar og Höfundarréttarráði auk þess að vera alþingismaður og umboðsmaður hljómsveitarinnar Mammút. Athafnastjóri frá 2016 á höfuðborgarsvæði og um landið. Fædd 1972.

Tungumál:  Íslenska, enska.

  • Reykjavík
Jóhann Björnsson

Jóhann Björnsson

Ferming, Gifting, Nafngjöf, Útför

Jóhann Björnsson er fæddur 1966 og hefur verið athafnastjóri frá 25. mars 2007. Jóhann hefur jafnframt verið formaður Siðmenntar frá febrúar 2015. Menntun, störf og annað: BA og MA í heimspeki. Er með kennsluréttindi og hefur stundað kennslu í grunnskóla og í fullorðinsfræðslu undanfarin ár. Jóhann hefur kennt og verið kennslustjóri á undirbúningsnámskeiðum fyrir borgaralega fermingu frá 1997. Jóhann stýrði fyrstu giftingunni á vegum félagins.

Tungumál: Íslenska, enska (jafnvel franska).

  • Reykjavík
Selma Lóa Björnsdóttir

Selma Lóa Björnsdóttir

Ferming, Gifting, Nafngjöf, Útför

Selma Lóa er fædd árið 1974 og er listunnandi orkubolti með óslökkvandi ást á menningu og listum og ferðalögum. Selma Lóa Björnsdóttir er sjálfstætt starfandi fjöllistakona með ævintýraþrá, brennandi áhuga á mannfólkinu og óslökkvandi ferðaást. Hún hefur sett upp ótal sýningar um víða veröld, sungið tvisvar í Eurovision ( lenti í öðru sæti í Ísrael 1999), samið dansa fyrir ótal söngleiki, leikið og sungið í yfir 30 leikritum og söngleikjum, verið dómari í Allir geta dansað, Idol Stjörnuleit og Ísland got talent, leikið norn í Fólkinu í blokkinni og hjólreiðagellu í Undir trénu, talsett fjöldan allan af teiknimyndum ( talaði meðal annars fyrir Ömmu krumpu í Rauðhettu og Barbei…….enginn millivegur) og leikstýrt einnig talsetningun. Hún er mikill stuðbolti og tilfinningaspaghetti og langar að gefa af sér á mikilvægum stundum í lífi fólks. Selma Lóa hefur verið athafnastjóri frá 2018 á höfuðborgarsvæðinu.

Tungumál: Íslenska, enska.

  • Höfuðborgarsvæðið
Steinar Harðarson

Steinar Harðarson

Ferming, Gifting, Nafngjöf, Útför

Steinar Harðarson er fæddur 1944 og hefur verið athafnarstjóri frá 25. mars 2007. Steinar hefur verið stjórnarmaður í Siðmennt og svo gjaldkeri frá 2013-2017. Hann var í kennslunefnd athafnaþjónustu Siðmenntar 2008-2015 og svo hefur hann stjórnað fjölmörgum fermingarathöfnum á vegum félagsins. Steinar var við tæknifræðinám og störf í Svíþjóð á árunum 1969-1980. Hann var umdæmisstjóri hjá Vinnueftirlitinu í Reykjavík frá 1999. Steinar er mikill áhugamaður um félagslegt réttlæti og jafnrétti og hefur setið í stjórn og einn af stofnendum félagsins Icelandpanorama sem vinnur gegn fordómum og mismunun.

Tungumál: Íslenska, sænska (klára mig á dönsku og norsku) og hef verið með athafnir á ensku þó ég sækist ekki eftir þeim.

  • Reykjavík
Tinna Rut Jóhannsdóttir

Tinna Rut Jóhannsdóttir

Ferming, Gifting, Nafngjöf, Útför

Mér er lífsins ómögulegt að setja eitthvað saman um sjálfa mig, en ég kann að tala fallega um aðra. BA í heimspeki og vöruhönnun og starfar sem framkvæmdastjóri í sjónvarps- og kvikmyndaiðnaði. Starfandi frá júlí 2016.

Tungumál: Íslenska, enska. Get flutt athöfn á ítölsku eða dönsku, en undirbúningur þyrfti að fara fram á ensku/íslensku.

  • Reykjavík
Elías Bjartur Einarsson

Elías Bjartur Einarsson

Gifting, Nafngjöf

Elías er kátur drengur sem nýtur þess að velta vöngum, eiga góðar samræður og stara á stjörnurnar. Hann dreymir um að fljúga, hefur gaman af því að ganga á fjöll og vera úti í náttúrunni og nýtur þess að gera stórar stundir í lífi annarra notalegar og eftirminnilegar. Elías er með BA gráðu í heimspeki og starfar sem landvörður. Athafnastjóri frá 2016 á höfuðborgarsvæði og nágrenni. Fæddur 1992.

Tungumál: Íslenska, spænska og enska.

  • Reykjavík
Inga Auðbjörg K. Straumland

Inga Auðbjörg K. Straumland

Ferming, Gifting, Nafngjöf

Inga nýtir skapandi samskiptahæfileika og ástríðu fyrir menningu til að leggja sitt á vogaskálarnar fyrir bættu samfélagi. Inga er vefhönnuður og Kaospilot og stundar jafnframt MPM-nám í verkefnastjórnun í HR. Inga tekur virkan þátt í stjórnmálum og skátastarfi og situr að auki í athafnaráði Siðmenntar. Athafnastjóri frá 2013 á höfuðborgarsvæði og nágrenni. Fædd 1986.Tungumál: íslenska, enska. Getur einnig fléttað eftirfarandi tungumálum inn í athöfn til móts við ensku: Hollenska, þýska, danska, norska, sænska.

Tungumál: Íslenska, enska. Getur fléttað hollensku, þýsku, dönsku, norsku og sænsku í athafnir.

  • Reykjavík
Anna Brynja Baldursdóttir

Anna Brynja Baldursdóttir

Ferming, Gifting, Nafngjöf

Anna Brynja er fædd árið 1979 og er ævintýralega áhugasöm um fólk og leitast við að gera athafnir sem fókusa á einstaklinga dagsins. Hún hefur verið athafnastjóri frá árinu 2018. Hlýleiki, einlægni og húmor endurspegla Önnu Brynju og hún vílar ekki fyrir sér að fara skapandi leiðir í athöfnum ef eftir því er óskað. Anna Brynja er menntuð leikkona frá Rose Bruford College í Englandi og með kennsluréttindi í leiklist frá Listaháskóla Íslands. Hún starfaði sem leikkona, leiklistarkennari og leikstjóri um árabil og lengst af í barnaleikhúsi. Einnig starfaði hún sem blaðakona í 5 ár. Hún starfar í dag sem samskiptastjóri hjá hugbúnaðarfyrirtæki og er þess á milli afar dugleg að skemmta ferðamönnum og fræða þá í leiðinni um íslenskan bjór og sögu hans.

Tungumál: Íslenska, enska og spænska að hluta.

  • Höfuðborgarsvæðið
Gunnar Hersveinn

Gunnar Hersveinn

Gifting, Nafngjöf

Hugsjónir Gunnars Hersveins snúast um friðarmenningu, mannréttindi, borgaravitund, náttúruvernd og hamingju annarra og hefur hann skrifað fjölda greina um efnið og flutt erindi. Hann er heimspekingur, rithöfundur og fyrirlesari. Skrifaði m.a. bókina Gæfuspor – gildin í lífinu þar sem leitast er við að draga fram valdar dygðir, tilfinningar, fagra hugsun og skyn á tímann. Athafnastjóri frá 2015 á höfuðborgarsvæðinu og í nágrannasveitarfélögum.

Tungumál: Íslenska, enska

  • Reykjavík
Mörður Árnason

Mörður Árnason

Gifting, Nafngjöf

Mörður (f. 1953) starfar sjálfstætt á ReykjavíkurAkademíunni við íslensk fræði, bókagerð og ýmiskonar textalestur. Hann er Reykvíkingur, vinstrimaður, alþjóðasinni, KR-ingur, áhugamaður um menningu og fræði forn og ný, umhverfissinni, gönguskíðamaður, femínisti og húmanisti. Hefur starfað við orðabókargerð, blaðamennsku og bókaritstjórn, verið aðstoðarmaður fjármálaráðherra og alþingismaður. Ritstjóri þriðju útgáfu Íslenskrar orðabókar, gefið út (einn og með öðrum) Grágás, Vídalínspostillu, Passíusálmana o.fl., skrifaði Málkróka um allskonar íslensku. Í námi í Reykjavík, Ósló og París, farið nokkuð um Evrópu og Miðausturlönd. Bjartsýnismaður af viljastyrk, yfirleitt í góðu skapi, ágætur ræðumaður og rithöfundur og vanur margskonar athöfnum. Ómannglöggur, stundum gleyminn og einsog fjarstaddur, en börnum finnst hann skrýtinn og skemmtilegur. Kvæntur Lindu Vilhjálmsdóttur ljóðskáldi, á þrjú afabörn, Hlín, Hafþór og Hörpu, og stuðningssoninn Þorgeir Örn. Sem sé: Þinn maður.

Tungumál: Íslenska (ný og forn), skandinavíska (bóknorska) og enska, franska í þokkalegu lagi, skilur þýsku og getur lesið.

  • Höfuðborgarsvæðið
Hörður Torfason

Hörður Torfason

Gifting, Nafngjöf, Útför

Hörður Torfason er fæddur 1945 og hefur verið athafnarstjóri frá 19. júlí 2012. Stýrði fyrstu giftingu samkynhneigðra hjá Siðmennt. Hörður er leikari, tónlistarmaður og baráttumaður fyrir mannréttindum og réttlæti.

Tungumál: Íslenska, enska.

  • Höfuðborgarsvæðið
Sigrún Valbergsdóttir

Sigrún Valbergsdóttir

Ferming, Gifting, Nafngjöf

Einlægur náttúruverndarsinni sem líður best á göngu um fáfarnar óbyggðaslóðir. Hef áhuga á öllu sem lifir í lofti, láði og legi og því hvernig landið varð til og mótaðist og mótaði íbúa sína þar með. Leikstjóri og leiðsögumaður á Íslandi og erlendis. Kennari í ýmsum fögum við Leiðsöguskólann í Kópavogi. Athafnastjóri frá 2009.

Tungumál: Íslenska og þýska. Skil og tala ensku, dönsku, sænsku, norsku og færeysku. Stautfær í frönsku.

  • Reykjavík
Katrín Oddsdóttir

Katrín Oddsdóttir

Ferming, Gifting, Nafngjöf, Útför

Katrín Oddsdóttir er fædd árið 1977 og er lífsglaður lögfræðingur með óbilandi trú á fegurð, húmor og réttlæti. Katrín Oddsdóttir er mannréttindalögfræðingur og spunaleikari. Trúir af öllu hjarta á fegurðina í lífinu og að nálgast kjarna hennar í gegnum húmor og einlægni. Katrín er með meistaragráðu í mannréttindum frá University of London, BA gráðu í lögfræði frá Háskólanum í Reykjavík og BA gráðu í fjölmiðlafræði frá Dublin City University. Hún starfaði sem lögmaður um árabil auk þess sem hún sat í Stjórnlagaráði. Hún sinnir um þessar mundir ýmsum störfum m.a. fyrir Öryrkjabandalagið og kennslu við lagadeild Háskólans í Reykjavík auk þess sem hún ferðast víða um veröld til að flytja fyrirlestra um íslenska stjórnarskrárferlið. Fékk athafnastjóraréttindi sumarið 2018 en hafði áður sinnt athöfnum fyrir vini og vandamenn.

Tungumál: Íslenska, enska.

  • Höfuðborgarsvæðið
Tryggvi Gunnarsson

Tryggvi Gunnarsson

Gifting

Markmið Tryggva er alltaf að gera persónulega og ógleymanlega athöfn, hvort sem hún fer fram í heimahúsi eða á mið-hálendinu, brúðhjón séu í kjól og hvítu, eða Star-wars búningum. Tryggvi er með Bs í líffræði með mannfræði sem aukafag, BA gráðu í sviðslistum, situr í stjórn leikstjórafélags Íslands og fer með ferðalanga ofaní hraunhella og gegnum ísgöng. Athafnastjóri frá 2015 á höfuðborgarsvæðinu en er mikil fjallageit og ferðalangur. Fæddur 1980.

Tungumál: Íslenska, enska og smá norska/danska.

  • Reykjavík
Sesselía Ólafsdótttir

Sesselía Ólafsdótttir

Ferming, Gifting, Nafngjöf

Sesselía er fædd 1987 og er einlæg og forvitin um lífið og tilveruna. Sesselía Ólafsdóttir lauk leiklistar- og leikstjórnarnámi frá London árið 2012 og hefur síðan þá unnið hérlendis og erlendis sem leikkona og leikstjóri. Þá er hún annar helmingur gríndúettsins Vandræðaskáld og hefur undir þeim formerkjum unnið bæði sem veislustjóri og skemmtikraftur. Sesselía gerðist athafnastjóri árið 2018 og starfar mest á Norðurlandi og stundum fyrir sunnan.

Tungumál: Íslenska, enska, getur blandað þýsku og dönsku inn í athafnir.

  • Norðurland (stundum Höfuðborgarsvæðið)
Sævar Freyr Ingason

Sævar Freyr Ingason

Gifting, Nafngjöf, Útför

Sævar Freyr er fæddur 1962 og lauk námi í athafnarstjórnun haust 2013. Sævar er fjölskyldumaður og áhugamaður um heimspeki.

Tungumál: Íslenska, enska.

  • Eyjafjörður og nágrenni
Helga Einarsdóttir

Helga Einarsdóttir

Ferming, Gifting, Nafngjöf

Helgu finnst ómetanlegt að fá að taka þátt í mikilvægum tímamótum í lífi fólks. Hún leggur áherslu á hátíðlegar en jafnframt einlægar athafnir þar sem gleðin er í fyrirrúmi. Helga er fædd árið 1980 og er þjóðfræðingur og jógakennari. Hún er einnig með kennsluréttindi og hefur meðal annars sinnt kennslu á háskólastigi, starfað sem safnkennari og unnið við prófarkalestur og ritstörf. Undanfarin ár hefur hún verið með annan fótinn á Írlandi þar sem hún hefur stýrt ýmsum menningartengdum verkefnum, kennt jóga og starfað sem aukaleikkona í sjónvarpsþáttum.

Tungumál: Íslenska, enska.

  • Höfuðborgarsvæðið
Árni Grétar Jóhannsson

Árni Grétar Jóhannsson

Gifting, Nafngjöf

Fæddur 1983. Athafnarstjóri frá 26. maí 2012.

Tungumál: Íslenska, sænska (klára mig á dönsku og norsku) og hef verið með athafnir á ensku þó ég sækist ekki eftir þeim.

  • Höfuðborgarsvæðið
Hilmar Hildar Magnúsarson

Hilmar Hildar Magnúsarson

Gifting

Kynningartexti væntanlegur.

Tungumál: Íslenska

Ásdís Benediktsdóttir

Ásdís Benediktsdóttir

Ferming, Gifting, Nafngjöf

Forvitinn vísindamaður sem elskar umræður um lífsgildi. Sefur best eftir líkamsrækt og elskar orðabrandara. Virðing umfram allt. Ásdís er jarðeðlisfræðingur í húð og hár og er í þann mund að klára doktorspróf frá Háskóla Íslands. Hún vinnur hjá Íslenskum Orkurannsóknum þar sem hún rannsakar jörðina með eðlisfræði og kemur þekkingu áleiðis til annarra. Kennir raungreinar utan vinnutíma. Athafnastjóri frá 2012 á höfuðborgarsvæðinu og nágrenni.

Tungumál: Íslenska, enska, franska.

  • Reykjavík
Gylfi Ólafsson

Gylfi Ólafsson

Ferming, Gifting, Nafngjöf

Þó léttleikinn sé alltaf mikilvægur eru stóru stundirnar í lífinu tækifæri til að vera einlæg og örlítið heimspekileg eitt stundarkorn. Gylfi er ísfirskur heilsuhagfræðingur. Athafnastjóri frá 2015. Býr á Ísafirði.

Tungumál:  Íslenska, enska, sænska.

  • Ísafjörður
Hákon Guðröðarson

Hákon Guðröðarson

Gifting, Nafngjöf, Útför

Hákon Guðröðarson, kallaður Hákon Hildibrand, er fæddur 1987 og er litríkur lífskúnstner sem geymir bónda í hjarta sér. Hákon er fæddur og uppalin Austfirðingur sem hélt út í heiminn og skilaði sér svo aftur í sveitina. Menntaður í hótel- og veitingarstjórnun frá Sviss, rekur Hildibrand Hótel og ýmiskonar tengda ferðaþjónustu í Neskaupstað ásamt því að sinna garðrækt og búrekstri. Hákon brennur fyrir menningu og nýsköpun á landsbyggðinni. Þegar hann er ekki að rækta garðinn sinn þá ræktar hann sína innri konu og er duglegur að koma fram í dragi. Hákon hefur verið athafnastjóri frá 2018 á Austurlandi.

Tungumál: Íslenska, enska, danska, grunnfærni í þýsku.

  • Austurland
Helga Jóhanna Úlfarsdóttir

Helga Jóhanna Úlfarsdóttir

Ferming, Gifting, Nafngjöf, Útför

Helga er sveitastelpa unir sér best í náttúrunni, hún mikil ævintýrakona og finnst fátt skemmtilegra en að upplifa nýja hluti. Athafnir hennar einkennast af léttleika og innileika. Helga er uppeldisfræðingur og löggildur fasteignasali sem býr á Suðurlandi og rekur lítið sveitahótel. Athafnarstjóri frá 2016 á Suðurlandi. Fædd 1976.

Tungumál: Íslenska, enska.

Svanur Sigurbjörnsson

Svanur Sigurbjörnsson

Ferming, Gifting, Nafngjöf, Útför

Það gleður Svan að eiga þátt í að gera stóru stundirnar í lífi fólks ánægjulegar, hlýlegar og eftirminnilegar. Hann er heimspekilega þenkjandi og rólyndur, og á stutt í smá glens. Svanur er læknir, sérfræðilærður í lyflækningum og eiturefnafræðum. BA/BS í heimspeki / læknisfræði frá HÍ og diploma í heimspeki/listum (prisma) frá HB/KHÍ. Hann er í MA námi í lífsiðfræði við HÍ og kennir siðfræði við Læknadeild HÍ. Hann er í þverfaglegum hópi sem stendur að vefsíðunni Upplyst.org. Svanur sat í stjórn Siðmenntar 2005-2013 og var gjaldkeri félagsins í 4 ár. Kennari í BF í 5 ár. Hann stofnsetti athafnaþjónustu Siðmenntar með stjórn félagins árið 2008, hafði umsjón með kennslu í athafnarstjórnun 2008-2016 og sat í athafnarráði 2016-2018. Stofnaðili í húmanísku viðbragðsteymi Siðmenntar 2017. Athafnarstjóri frá 2008 á höfuðborgarsvæðinu og nágrenni. Fæddur 1965.

Tungumál: Íslenska, enska og spænska að hluta.

  • Reykjavík
Kristinn Theodórsson

Kristinn Theodórsson

Gifting, Nafngjöf, Útför

Kristinn er fæddur árið 1977 og hefur verið athafnarstjóri frá júlí 2010. Kristinn hefur tekið virkann þátt í Siðmennt lengi, skrifar reglulega um samfélagsleg málefni er fjölskyldumaður og áhugmaður um ljósmyndun og fleira.

Tungumál: Íslenska, enska.

  • Höfuðborgarsvæðið
Gyða Einarsdóttir

Gyða Einarsdóttir

Ferming, Gifting, Nafngjöf

Hún hefur mikinn áhuga á flestu sem viðkemur samfélagi manna og þá sérstaklega stjórnmálum, menntamálum, matargerð, menningu og listum. Hún stundar fjölbreytta hreyfingu og leggur mikið upp úr samveru með fjölskyldu og vinum. Hún hefur afar gaman af ferðalögum, innanlands sem utan. Gyða er menntaður myndlistarkennari og er með meistaragráðu í alþjóðastjórnmálum. Hún starfar nú sem verkefnastjóri hjá Háskóla Íslands. Athafnastjóri frá 2016 á höfuðborgarsvæðinu. Fædd 1978.

Tungumál:  Íslenska, enska, skandinavíska.

  • Reykjavík
Margrét Gauja Magnúsdóttir

Margrét Gauja Magnúsdóttir

Ferming, Gifting, Nafngjöf, Útför

Margrét Gauja hefur brennandi áhuga á stjórnmálum og þátttöku ungs fólks í lýðræðistöku. Hún tók þátt í undankeppni Eurovision sem barn, hefur saumað sér peysuföt og elskar að eyða tíma með vinum sínum og leysa öll vandamál heimsins yfir bjór. Margrét Gauja er með BA próf í Uppeldis- og menntunarfræðum og með kennsluréttindi. Hún hefur kennt náttúrufræði og félagsgreinar síðaðsta áratug. Einnig starfar hún sem bæjarfulltrúi í Hafnarfirði, sem leiðsögumaður, heldur fyrirlestra og námskeið og stýrir athöfnum fyrir Siðmennt, í peysufötum. Athafnastjóri frá 2016 á höfuðborgarsvæðinu. Fæddur 1976.

Tungumál: Íslenska, enska og spænska.

  • Reykjavík
Benedikt Sigurðarson

Benedikt Sigurðarson

Ferming, Gifting, Nafngjöf, Útför

Benedikt Sigurðarson er fæddur 1952 og er samfélagssinni sem elskar óspillta náttúru, ferðalög, leiklist og söng. Benedikt er með meistarapróf í stjórnun og stjórnsýslu og var lengi skólastjóri og háskólakennari en starfar nú sem framkvæmdastjóri Búfesti hsf Athafnastjóri frá 2018 á Norðurlandi/Norðausturlandi.

Tungumál: íslenska, enska (möguleiki á að vinna með þýsku, dönsku, sænsku eða norsku ef mikið liggur við og þá með góðum fyrirvara)

  • Norðurland/Norðausturland
Sigurður Hólm Gunnarsson

Sigurður Hólm Gunnarsson

Gifting, Nafngjöf

Sigurður Hólm Gunnarsson er fæddur 1976 og hefur starfað í Siðmennt frá því fyrir aldamót. Sigurður Hólm hefur verið formaður Siðmenntar síðan 2018. Sigurður er iðjuþjálfi og starfar sem forstöðumaður á skammtímaheimili fyrir unglinga í Reykjavík. Sigurður er mikill áhugamaður maður um vísindi, heimspeki, stjórnmál og trúarbrögð og ver miklum tíma í að lesa sér til um þau efni. Sigurður hefur rekið vefritið Skodun.is frá því 1999 þar sem hann ritar hugleiðingar sínar reglulega. Tónlist spilar stórt hlutverk í tilverunni og þá aðallega þungarokk en líka öll falleg tónlist. Uppáhalds íslensku listamennirnir hans eru Svavar Knútur og Dimma. Sigurður er mikill fjölskyldumaður og býr með eiginkonu sinni, Ragnheiði Láru, ásamt þrem börnum, þeim Birgi Orra, Bjarti Hólm og Mána Hólm í Grafarvoginum. Svo sér hann líka um tvo ketti þá Lottu og Snúð sem í raun stjórna heimilinu eins dýrum af þessari tegund er einum lagið. Helstu fyrirmyndir hans í lífinu eru vísindafræðarinn Carl Sagan og mannvinurinn Thomas Paine sem sagði meðal annars: „Heimurinn er föðurland mitt og góðverk mín trúarbrögð“.

Tungumál: Íslenska, enska.

Brynja Finnsdóttir

Brynja Finnsdóttir

Ferming, Gifting, Nafngjöf

Lífsglaður líffræðingur, lærdómsfús og forvitin. Leggur mikið upp úr góðum samskiptum og vandar til allra verka.  Brynja er líffræðingur að mennt og kennir raungreinar við Menntaskólann á Akureyri.  Athafnarstjóri frá 2016 á Norðurlandi. 

Tungumál: Íslenska og enska.

  • Reykjavík
Ólöf Hugrún Valdimarsdóttir

Ólöf Hugrún Valdimarsdóttir

Gifting, Nafngjöf

Ólöf Hugrún er fædd árið 1982 og hefur verið athafnarstjóri frá maí 2016. Bakgrunnur: leiklist og margvísleg störf.

Tungumál: Íslenska, enska.

  • Höfuðborgarsvæðið
Anna Pála Sverrisdóttir

Anna Pála Sverrisdóttir

Ferming, Gifting, Nafngjöf

Tungumál: Vantar upplýsingar um tungumál

  • Reykjavík
Tryggvi Björgvinsson

Tryggvi Björgvinsson

Ferming, Gifting, Nafngjöf, Útför

Tryggvi Björgvinsson er fæddur árið 1982 og hefur verið athafnarstjóri frá 7. júlí 2012. Tryggvi starfar sem tölvuverkfræðingur.

Tungumál: Íslenska, enska.

  • Höfuðborgarsvæðið
Guðrún Vala Elísdóttir

Guðrún Vala Elísdóttir

Ferming, Gifting, Nafngjöf

Guðrún Vala er áhugasöm um lífið og tilveruna, en henni er best lýst sem félagslyndum einfara. Hún er alltaf að læra eitthvað og er með BA gráðu í mannfræði, B.Ed og M.Ed gráður og alls konar diplómur á framhaldsstigi s.s. í sérkennslu, náms- og starfsráðgjöf, hugrænni atferlismeðferð og fjölmenningu. Hún brennur fyrir réttlæti og málefnum innflytjenda auk þess að vera sílesandi. Fædd 1966 og gerðist athafnastjóri árið 2018. Starfar mest á Vesturlandi og stundum fyrir sunnan.

Tungumál: Enska og norðurlandamál (þó ekki finnska). Jafnvel smá pólska.

  • Vesturland
Steinunn Anna Sigurjónsdóttir

Steinunn Anna Sigurjónsdóttir

Ferming, Gifting

::Steinunn Anna er í leyfi fram á haust 2019 og tekur því ekki athafnir þangað til::

Hún hefur mikinn áhuga á sálfræði, tónlist, spilum og bókum. Hún hefur sungið með einum eða öðrum kór nær samfellt frá átta ára aldri. Hún gerir ítrekaðar tilraunir til þess að stunda reglulega hreyfingu en notar frítíma sinn að mestu í að vera með fjölskyldunni. Steinunn er klínískur sálfræðingur með cand.psych gráðu af barnalínu frá HÍ. Hún á og rekur Litlu Kvíðameðferðarstöðina með samstarfskonum. Hún hefur auk þess kennt sálfræði á mennta- og háskólastigi og heldur reglulega fyrirlestra auk þess að skrifa í blöðin af og til. Athafnastjóri frá 2013 á höfuðborgarsvæðinu. Fædd 1980.

Tungumál: Íslenska og enska (er tvítyngd).

  • Reykjavík
Bjarni Jónsson

Bjarni Jónsson

Ferming, Gifting, Nafngjöf, Útför

Margbreytileikinn, hátíðleikinn, virðingin og jákvæðni athafna Siðmenntar er helsta markmiðið í húmanískum athöfnum Siðmenntar. Bjarni er prentlærður með endurmenntun á sviði markaðsmála, rekstrar og viðskipta auk verkefnastjórnunar. Athafnarstjóri frá 2008 á höfuðborgarsvæðinu og þar um kring.

Tungumál: Íslenska, sænska og enska.

  • Reykjavík
Bjarni Snæbjörnsson

Bjarni Snæbjörnsson

Ferming, Gifting, Nafngjöf

Náttúrubarn og kærleiksbjörn sem sér húmorinn í litbrigðum lífsins. Bjarni er BFA í leiklist og MA í listkennslufræðum frá LHÍ. Hann er einnig BA í ensku frá HÍ. Bjarni vinnur jöfnum höndum á mörgum mismunandi stöðum við að kenna leiklist, leika, syngja og er stundum viðriðinn viðburðastjórnun. Athafnastjóri frá 2015 á höfuðborgarsvæði og nágrenni. Fæddur 1978.

Tungumál: Íslenska, enska, franska.

  • Akureyri
Bæring Jón Breiðfjörð Guðmundsson

Bæring Jón Breiðfjörð Guðmundsson

Ferming, Gifting, Nafngjöf

Hefur brennandi áhuga á því að efla unga einstaklinga til þátttöku í samfélagi og hjálpa þeim að ala með sér virðingu fyrir sjálfum sér og öðrum. Annars veit hann fátt betra en að eyða tíma með fjölskyldunni og elda góðan mat. Bæring er með meistaragráðu í kennslufræðum frá HÍ og starfar sem grunnskólakennari. Athafnarstjóri frá 2016 á Suðurlandi. Fæddur 1988.

Tungumál: Íslenska, enska.

  • Suðurland

 

 


Sigurður Ólafsson

Sigurður ÓlafssonF. 1973. Lauk námi í athafnarstjórnun haust 2013

Athafnir:  Útfarir, nafngjafir, fermingar og giftingar.

Staðsetning:  Höfn í Hornafirði og nágrenni.

Tungumál athafna: íslenska og enska.

Menntun, störf og annað:

  • Skipstjórnarmaður
  • Áhugamaður um heimspeki og húmanisma
  • Fjölskyldumaður.

Steinunn Rögnvaldsdóttir

Steinunn Rögnvaldsdóttir F. 1986.  Lauk námi í athafnarstjórnun vor 2015

Athafnir:  Nafngjafir og giftingar.

Staðsetning:  höfuðborgarsvæðið og nágrenni

Tungumál athafna: íslenska og enska.

Menntun, störf og annað:

  • BA í félagsfræði og MA í kynjafræði frá HÍ
  • Mannauðsráðgjafi hjá Reykjavíkurborg og fræðimaður í hjáverkum.
  • Átti sæti í stjórn Siðmenntar 2105-2016.

Sævar Finnbogason

F. 1970. Athafnarstjóri frá maí 2016

Athafnir: Giftingar og nafngjafir

Staðsetning: Vesturland við Hvalfjörð og höfuðborgarsvæðið.

Tungumál athafna: íslenska, enska.

Bakgrunnur: Heimspeki, kennsla.

Kennir m.a. við borgaraleg fermingarnámskeið Siðmenntar

Elísabet Gunnarsdóttir

F. 19758. Athafnarstjóri frá maí 2016

Athafnir: Giftingar og nafngjafir

Staðsetning: Ísafjörður og nágrannabyggðir

Tungumál athafna: íslenska, enska, franska og norska.

Bakgrunnur: Arkitektúr, stjórnunarstörf.

Stefanía Pálsdóttir

F. . Athafnarstjóri frá maí 2016

Athafnir: Giftingar og nafngjafir

Staðsetning: Höfuðborgarsvæðið.

Tungumál athafna: íslenska, enska.

Bakgrunnur: BA í heimspeki.

Kennir við námskeið í borgaralegri fermingu Siðmenntar

Ingibjörg Sædís Bergsteinsdóttir

F. . Athafnarstjóri frá maí 2016

Athafnir: Giftingar og nafngjafir

Staðsetning: Höfuðborgarsvæðið.

Tungumál athafna: íslenska, enska.

Bakgrunnur: Er í heimspekinámi.

—————————————————————-

Síða athafnarstjóra Siðmenntar (læstur aðgangur).

Close Menu
Translate »
×
×

Cart