Skráning í Siðmennt

Aðild að Siðmennt er öllum opin sem telja sig eiga samleið með þeim lífsskoðunum og þeirri sannfæringu sem birt er í stefnu félagsins.

Siðmennt býður upp á veraldlegar athafnir: Borgaralegar fermingar, nafngjafir, giftingar og útfarir.

Athafnirnar eru í boði  fyrir alla óháð því hvort þeir eru félagar i Siðmennt eða ekki

Félagsmenn fá verulegan afslátt af öllum athöfnum félagsins. 

Mikilvægt er að senda félaginu skjáskot af vefsíðu Þjóðskrár sem staðfestir að viðkomandi sé í Siðmennt til að geta fengið afslátt af athöfnum félagsins.

Félagsmenn eru nú um 2800 talsins. Félagið vantar fleiri félagsmenn til að vinna að markmiðum þess og greiða árgjald sem er 5000  krónur og eða skrá sig í félagið hjá Þjóðskrá. Námsmenn, öryrkjar og aldraðir fá nú helmingsafslátt af félagsgjaldi óski þeir eftir því og greiða þá 2500  krónur. Ef þú skráir þig í félagið hjá Þjóðskrá er greiðsla árgjalds valfrjáls.

Ef þú ert trúlaus eða húmanisti og vilt styðja Siðmennt, félags siðrænna húmanista á Íslandi, þá hvetjum við þig til að skrá þig í Siðmennt hjá Þjóðskrá. Siðmennt er eina veraldlega lífsskoðunarfélagið sem er opinberlega skráð og fær þannig svokölluð „sóknargjöld“ félagsmanna.  „Sóknargjöld“ þeirra sem standa utan félaga renna í ríkissjóð (þau fara ekki til háskólans eins og áður).

Skráning í Siðmennt hjá Þjóðskrá  (kostar þig ekkert) – Einfaldar leiðbeiningar í fjórum skrefum:

  1. Farðu inn á  https://skra.is/umsoknir/rafraen-skil/tru-og-lifsskodunarfelag/og skráðu þig inn með því að nota Íslykil (ef þig vantar Íslykil getur þú sótt um hann á sömu síðu).
  2. Veldu  „Breyta trú- og lífsskoðunarfélagi“.
  3. Finndu „Breyting á skráningu“ og hakaðu í „Velja trú- og lífsskoðunarfélag“ og veldu svo„Siðmennt“ úr listanum.
  4. Smelltu svo á: „Senda tilkynningu“.

Mikilvægt er að senda félaginu skjáskot af vefsíðu Þjóðskrár sem staðfestir að viðkomandi sé í Siðmennt til að geta fengið afslátt af athöfnum félagsins.

Skráðu þig beint í Siðmennt og greiddu félagsgjald
(Félagsgjald er valfrjálst ef þú ert einnig skráður hjá Þjóðskrá)

Við  hvetjum sem flesta til að skrá sig einnig beint í Siðmennt og greiða árgjald (5000 kr.).  Siðmennt er á móti sóknargjaldakerfinu og því mikilvægt að sem flestir sem vilja styðja Siðmennt skrái sig beint í félagið. 
Ef þú ert þegar skráður i félagið hjá Þjóðskrá er greiðsla árgjalds valfrjáls.
 

Skráning í Siðmennt – utan eða samhliða Þjóðskrá

  • Þetta form þarf ekki að fylla út og senda félaginu ef að þú hefur nú þegar skráð þig í Siðmennt hjá Þjóðskrá. Það er ætlað fyrir: A. Skráningu í félagið utan Þjóðskrár B. Skráningu styrktargjalds C. Skráningu á fréttapóstlista félagsins. Hér má skrá sig á fréttapóstlista félagsins hafi maður skráð sig hjá Þjóðskrá í félagið því að skráning á listann er ekki sjálfkrafa.
    *Hafir þú einnig skráð þig í félagið hjá Þjóðskrá þarftu ekki að greiða félagsgjald. Nauðsynlegt er þá að senda skjáskot af skráningu hjá Þjóðskrá á skraning@sidmennt.is
Close Menu
Translate »
×
×

Cart