Stjórn Siðmenntar hefur ákveðið að ráða framkvæmdastjóra til þess að sinna verkefnum félagsins sem hafa vaxið verulega síðan það var stofnað fyrir 25 árum. Einnig verður leigð skrifstofa undir starfsemina á Hallveigarstöðum við Túngötu.

Bjarni Jónsson
Bjarni Jónsson

Fyrsti framkvæmdastjóri félagsins verður Bjarni Jónsson en hann mun hefja störf þann 1. september. Hann er einn af stofnfélögum Siðmenntar og hefur setið í stjórn félagsins frá árinu 2000, þar af 5 ár sem varaformaður. Hann hefur haft ábyrgð á mörgum verkefnum Siðmenntar og hefur því mikla þekkingu á málefnum félagsins. Bjarni hefur verið fulltrúi félagsins í samstarfi norrænna samtaka húmanista sem samtals hafa um 100.000 félaga. Þar að auki hefur hann langa reynslu í rekstri hagsmunasamtaka en hann hefur prentiðn sem grunn og hefur bætt við sig námi í markaðsfræðum, rekstrar- og viðskiptum og verkefnastjórnun.

Siðmennt heldur upp á 25 ára afmæli sitt á árinu og hefur starfið tekið gríðarlegum breytingum. Í upphafi var um að ræða fámennan hóp sem fjölgaði hægt en sígandi. Þann 3. maí 2013 hlaut félagið skráningu sem veraldlegt lífskoðunarfélag en breyting á lögum um skráð trú- og lífskoðunarfélög gerði skráninguna mögulega. Þetta varð til þess að eftirspurn eftir veraldlegum og húmanískum athöfnum jókst mjög. Sérstaklega hefur giftingum fjölgað mikið en einnig er fjölgun í nafngjöfum og félagið sinnir einnig útförum.

Við skráninguna voru félagsmenn um 300 en tveimur árum síðar, í maí 2015, eru þeir að nálgast 1.300. Fjölgunin hefur verið langt umfram áætlanir stjórnar félagsins og sýnir þann mikla stuðning sem er við stefnumál siðrænna húmanista sem snúast um trúfrelsi, mannvirðingu, umburðarlyndi, siðferði og þekkingu. Þessi hraða fjölgun félagsmanna hefur flýtt fyrir ráðningu starfsmanns og að félagið komi sér upp eigin skrifstofu en hingað til hefur mest allt starfið verið unnið af sjálfboðaliðum ef undan er skilið starf við borgaralega fermingu.

Nánari upplýsingar veita Sigurður Hólm Gunnarsson í síma 8987585 og Bjarni Jónsson í síma 8968101.

UM SIÐMENNT

Siðrænn húmanismi
Siðmennt er félag siðrænna húmanista. Siðrænir húmanistar leggja áherslu á siðræn gildi og þekkingarleit án vísana í yfirnáttúrleg fyrirbrigði.

Athafnir
Siðmennt hefur á að skipa þjálfaða athafnarstjóra sem stýra veraldlegum eða húmanískum athöfnum, þ.e. nafngjöfum, giftingum og útförum.

Trúfrelsi
Stjórnvöld eiga að vera hlutlaus, óháð trúarbrögðum og eiga ekki að hygla ákveðnum lífsskoðunum umfram aðrar.

LÍFSSKOÐUN

Siðmennt – félag siðrænna húmanista á Íslandi er veraldlegt lífsskoðunarfélag sem var stofnað árið 1990.

Siðrænir húmanistar leggja áherslu á að rækta siðræn gildi og þekkingarleit án vísana í yfirnáttúrleg fyrirbrigði.

Hugtakið lífsskoðunarfélag (life stance organization) nær á alþjóðavísu yfir félög af bæði trúarlegri og veraldlegri sannfæringu og gerir ekki upp á milli þeirra.

SÍMANÚMER
612-3295

OPNUNARTÍMI
9:00-15:00 virka daga
Vinsamlegast hafið samband
símleiðis til að bóka viðtal
utan opnunartíma

Siðmennt á Facebook
facebook.com/sidmennt

UM SIÐMENNT

Siðrænn húmanismi
Siðmennt er félag siðrænna húmanista. Siðrænir húmanistar leggja áherslu á siðræn gildi og þekkingarleit án vísana í yfirnáttúrleg fyrirbrigði.

Athafnir
Siðmennt hefur á að skipa þjálfaða athafnarstjóra sem stýra veraldlegum eða húmanískum athöfnum, þ.e. nafngjöfum, giftingum og útförum.

Trúfrelsi
Stjórnvöld eiga að vera hlutlaus, óháð trúarbrögðum og eiga ekki að hygla ákveðnum lífsskoðunum umfram aðrar.

LÍFSSKOÐUN

Siðmennt – félag siðrænna húmanista á Íslandi er veraldlegt lífsskoðunarfélag sem var stofnað árið 1990.

Siðrænir húmanistar leggja áherslu á að rækta siðræn gildi og þekkingarleit án vísana í yfirnáttúrleg fyrirbrigði.

Hugtakið lífsskoðunarfélag (life stance organization) nær á alþjóðavísu yfir félög af bæði trúarlegri og veraldlegri sannfæringu og gerir ekki upp á milli þeirra.

Símanúmer
612-3295

Skrifstofa
Túngata 14 / 101 Reykjavík

Opnunartími
9:00-15:00 virka daga
Vinsamlegast hafið samband
símleiðis til að bóka viðtal
utan opnunartíma

Netfang
sidmennt@sidmennt.is

Siðmennt á Facebook
facebook.com/sidmennt

Siðmennt á YouTube
youtube.com/user/SidmenntIsland

Close Menu
Translate »
×
×

Cart