Skráning í Siðmennt

Verið hjartanlega velkomin – hér er hægt að skrá sig í Siðmennt

Nú er hægt að skrá sig í lífsskoðunarfélagið Siðmennt hjá Þjóðskrá (www.skra.is). Þeir sem skrá sig í Siðmennt með þessum hætti þurfa ekki að greiða félagsgjöld. Einstaklingar geta þó áfram verið skráðir í Siðmennt án þess þó að vera skráðir formlega í lífsskoðunarfélagið hjá Þjóðskrá og greiða þá hefðbundið félagagjald.

Skráðu þig hér: Þjóðskrá
Leiðbeiningar: Rafræn skráning í Siðmennt í gegnum vef Þjóðskrár

—

Deilir þú með okkur lífsskoðun húmanista? Ef þú telur þig deila sömu lífssýn með Siðmennt (sjá nánar í stefnuskrá Siðmenntar) og vilt stuðla að uppbyggingu góðra veraldlegra valkosta (t.d. veraldlegra athafna) fyrir þig og aðra í íslensku mannlífi, auk baráttu fyrir mannréttindum, vísindalegri þekkingarfræði og siðgæðum, þá ertu á réttum stað.

Siðmennt býður þig velkomna/inn að skrá þig í félagið.  Fólki, 18 ára og eldri er heimilt að skrá sig (16-17 ára með skriflegu leyfi foreldra).

Til gamans og fróðleiks má þreyja örstutt fjölvalspróf sem heitir „Ert þú húmanisti“ og sjá þar hvort að þínar lífsskoðanir um ákveðin mikilvæg efni eru í takt við hin viðteknu húmanísku viðmið.

Skráning fer fram með því að fylla út skráningarformið hér að neðan.

Félagar í Siðmennt fá afslátt af þjónustu félagsins

Til viðbótar við hinn félagslega ávinning af því að vera félagi í Siðmennt fá félagar 15% afslátt af athafnaþjónustu félagsins (nafngjafir, giftingar, heityrði, útfarir) fyrstu tvö ár aðildar og eftir það helmings afslátt.   Stjórn félagsins svarar öllum skriflegum erindum félagsmanna og aðstoðar eftir bestu getu og aðstöðu.

Félagar sem eiga börn í borgarlegri fermingu fá 10% afslátt af námskeiði og athöfn fyrstu tvö ár aðildar og 20% eftir það.

Aðild fólks sem deilir lífsskoðunum með okkur í Siðmennt (sjá stefnuskrá), er ákaflega mikilvæg því sameinuð getum við áorkað mun meiru og byggt upp fleiri valkosti (t.d. athafnahús) fyrir húmaníska menningu og lífshætti.

Fréttabréf Siðmenntar

Félagar fá send fréttabréf gegnum netpóstlistann 2-4 sinnum á ári og fá einnig tilkynningar og fréttir frá mikilvægum viðburðum.

Árgjöldin eru mikilvæg starfsemi Siðmenntar

Siðmennt nýtur ekki opinberra styrkja eða sóknargjaldakerfis og því skapa árgjöld félagsmanna fjárhagslegan grunn fyrir starfsemi félagsins.  Árgjald fyrir árið 2008-2010 var kr. 4000. Á aðalfundi félagsins 15. mars 2011 var ákveðið að hækka árgjaldið lítillega eða upp í kr. 4400,-.

Ljóst er að margt fólk á í erfiðleikum vegna efnahagsástands þjóðarinnar og því geta félagar fengið 50% afslátt af árgjaldinu þar til betur árar, sé þess óskað.  Áfram gildir að nemar, lífeyrisþegar og atvinnulausir geta fengið 50% afslátt og makar félaga 25% afslátt.

Skráning í Siðmennt

Með því að fylla út formið hér að neðan og senda félaginu með því að smella á hnappinn „Skrá mig í Siðmennt“ ertu búin(n) að koma beiðni þinni á framfæri við Siðmennt. Gjaldkeri félagsins mun senda þér svo bréf innan fárra daga á það netfang sem þú gefur upp og veita þér upplýsingar um framhaldið.

* Þeir sem gefa upp tölvupóstfang eru sjálfkrafa skráðir á fréttapóstlista Siðmenntar (fréttabréf send u.þ.b. 2-4 sinnum á ári). Auðvelt er að skrá sig af listanum aftur.

Ef þú átt í einhverjum vandræðum með að nota skráningarform Siðmenntar á netinu getur þú einnig skráð þig með því að senda tölvupóst.