Siðmennt styrkir hjálparstarf húmanista í Nepal

Siðmennt styrkir hjálparstarf húmanista í Nepal

Stjórn Siðmenntar samþykkti á fundi sínum að styðja við hjálparstarf sem unnið er af Society for Humanism Nepal (SHN), systursamtökum Siðmenntar í Nepal. Ákveðið var að veita 100.000 krónur til félagsins en áður hafði félagið veitt Rauða krossi Íslands 500.000 króna framlag stuttu eftir að jarðskjálftinn 25. apríl reið yfir.

SOCH NEPAL, NGO of nepal logoInternational Humanist and Ethical Union (IHEU), alþjóðasamtök siðrænna húmanista sem Siðmennt er aðili að, hvatti aðildarfélög sín til að styðja við hjálparstarf SHN sem felst í að koma á fót athvarfi þeirra sem hafa misst heimili sín í skjálftanum en ekki verður hægt að endurbyggja þau áður en rigningatímabilið hefst en það er á næsta leiti. Að auki munu samtökin dreifa matvælum til þurfandi. Yfir 1000 sjálfboðaliðar á vegum samtakanna starfa við hjálparstarfið.

„Vil teljum það siðferðilega skyldu okkar sem manneskjur að styðja við fólk í neyð“ segir Jóhann Björnsson, formaður Siðmenntar. „Tala látinna er mjög há og heimili tug þúsunda eyðilögðust í skjálftanum. Siðmennt ákvað að nota hluta af því fjármagni sem það fær greitt úr ríkissjóði með hverjum félagsmanni til að koma samfélaginu í Nepal á réttan kjöl. Þó að upphæðirnar virðast smáar í samanburði við þá miklu þörf á uppbyggingu er peningum betur komið þar.“

Um Siðmennt
Siðmennt var skráð veraldlegt lífsskoðunarfélag 3. maí 2013. Félagið talar fyrir veraldlegu samfélagi sem byggir á mannréttindum og lýðræði. Siðmennt berst fyrir fullu trúfrelsi sem m.a. felur í sér aðskilnað ríkis og kirkju og að hið opinbera hætti beinum afskiptum af  trúar- eða lífsskoðunum fólks.

Siðmennt hefur í 27 ár boðið upp á borgaralegrar fermingar sem verða vinsælli með hverju árinu. Frá 2008 hefur félagið einnig boðið upp á aðrar félagslegar athafnir s.s. giftingu, nafngjafir og útfarir.

 

Fyrir hönd stjórnar Siðmenntar
Jóhann Björnsson, formaður Siðmenntar
netfang: johann@sidmennt.is, sími: 844-9211

Sigurður Hólm Gunnarsson, varaformaður Siðmenntar
netfang: siggi@sidmennt.is, sími: 898-7585

Vefur Siðmenntar: http://sidmennt.is/
Siðmennt á Facebook:  https://www.facebook.com/sidmennt

Siðmennt styrkir hjálparstarf Rauða krossins í Nepal um hálfa milljón

Raudikrossinn_hringmerkiStjórn Siðmenntar ákvað fyrr í vikunni að veita 500.000 krónum til hjálparstarfs Rauða krossins vegna jarðskjálftanna í Nepal. Er það stjórninni bæði ljúft og skylt að láta fé af hendi rakna handa þeim sem eru í sárri neyð. Siðmennt hvetur önnur trúar- og lífsskoðunarfélög til að gera slíkt hið sama.

Nánari upplýsingar um hjálparstarf Rauða krossins í Nepal:

http://www.raudikrossinn.is/page/rki_styrkja_hjalparstarf

Upptaka af málþingi um líknardauða

Siðmennt hélt málþing um líknardauða fimmtudaginn 29. janúar 2015. Yfirskrift málþingsins var: „Að deyja með reisn – líknardauði”.

Upptöku af málþinginu má skoða hér:

Lesa

Fjölmenni á fundi um líknardauða

Húsfyllir var á málþingi Siðmenntar um líknardauða sem haldið var á Hótel Sögu í gær. Um 130 manns sóttu málþingið og skoruðu fundarmenn á Alþingi að hefja umræðu um líknardauða.

Líknardauði_2015_Viðar Guðmundsson

Jóhann Björnsson, heimspekingur, flutti áhugavert erindi þar sem hann fjallaði um afstöðu heimspekinga til líknardauða. Sylviane Pétursson Lecoultre og Ingrid Kuhlman fluttu einstaklega áhrifarík erindi um ástvini sem hafa fengið aðstoð við að deyja. Maður Sylviane fékk aðstoð við að deyja í Sviss 2013 en faðir Ingridar var með þeim fyrstu til að fá ósk um líknardauða uppfyllta í Hollandi árið 2002.

Eftir formleg erindi voru pallborðsumræður. Greinilegt var að mikill áhugi var á fundarefninu og mikil þörf fyrir að ræða líknardauða enn frekar. Borin var fram óformleg tillaga á fundinum þar sem Alþingi Íslendinga var hvatt til þess að fjalla um lög og reglur sem snúa að líknardauða á Íslandi. Tillagan var samþykkt með lófaklappi mikils meirihluta fundarmanna.

Upptaka af fundinum verður sett á vef Siðmenntar á næstu dögum.

Lesa

Siðmennt á Facebook

15. 12. 2017

Siðmennt - Félag siðrænna húmanista á Íslandi

For humanists morality is not a divine gift! We're more likely to think it's something like "an intrinsic part of human nature based on understanding and a concern for others", as stated in the Amsterdam Declaration (goo.gl/bj4DdM).

David Pineda, President of Humanistas Guatemala, reaffirms this idea in his entry for the #HumanistPrism series. Help us by sharing his quote!
... Sjá meiraSjá minna