Húmanistaviðurkenning Siðmenntar 2010

Fimmtudaginn 4. nóvember var hin árlega Húmanistaviðurkenning Siðmenntar afhent og fór viðburðurinn fram á Hótel Loftleiðum. Handhafi viðurkenningarinnar árið 2010 er Hörður Torfason sem hefur sinnt mikilvægu og áratugalöngu starfi í þágu mannréttinda á Íslandi.

Í ár var úthlutað í þriðja sinn í flokki viðurkenningar sem hefur fengið heitið Fræðslu- og vísindaviðurkenning Siðmenntar. Árið 2008 hlaut Pétur Tyrfingsson sálfræðingur hana en 2009 hlaut Orri Harðarson hana. Eitt af megin umfjöllunarefnum félagsins er þekkingarfræðin og stuðningur við vísindalega þekkingarleit og fræðslu. Félagið veitir viðurkenningu þeim aðila eða samtökum sem hafa fært þjóðinni mikilvægt framlag í þessum efnum. Að þessu sinni er það Ari Trausti Guðmundsson jarðvísindamaður og rithöfundur sem hlýtur viðurkenninguna.

Lesa

Viðurkenningar Siðmenntar veittar

Húmanistaviðurkenning & Fræðslu- og vísindaviðurkenning Siðmenntar 2009 

IMG_1514-ctsqr-400pxSiðmennt, félag siðrænna húmanista á Íslandi, hefur frá árinu 2005 veitt  árlega Húmanistaviðurkenningu félagsins.  Í dag 29. október fór fram afhending viðurkenninganna í Blómasal Hótel Loftleiða.

Það var Alþjóðahús sem hlaut Húmanistaviðurkenningu Siðmenntar 2009.  Alþjóðahús ehf. var stofnað árið 2001 og tók við af Miðstöð Nýbúa.  Meginhlutverk þess snýr að því auðvelda aðlögun innflytjenda að íslensku samfélagi annars vegar og hins vegar að auðvelda þeim sem fyrir eru að aðlagast breyttri samfélagsmynd.  Alþjóðahúsið er upplýsingamiðstöð fyrir innflytjendur og um málefni innflytjenda.  Þeim sem þangað leita er bæði veitt almenn ráðgjöf og lögfræðiráðgjöf að kostnaðarlausu. Þar  er einnig boðið upp á fræðslu, fjölbreytt námskeið af ýmsu tagi auk kennslu í samfélagsfærni.

Lesa

Viðurkenningar Siðmenntar afhentar

Í dag voru viðurkenningar Siðmenntar afhentar við hátíðlegt tækifæri í Restaurant Reykjavík við Vesturgötu. Að þessu sinni voru viðurkenningarnar tvær. 

Hin fyrri var Húmanistaviðurkenning Siðmenntar sem var afhent í 4. sinn.  Þau voru veitt Rauða krossi Íslands fyrir einstakt og óeigingjarnt starf í þágu mannúðar og heilsuverndar á Íslandi og víða um heim.  Í ræðu Hope Knútsson, formanns Siðmenntar sagði m.a. að hjálparstarf Rauða krossins kæmi víða að, t.d. við kaup og rekstur sjúkrabifreiða, athvörf fyrir geðfatlaða og heimilislausar konur, aðstoð við fanga og fátæka, neyðaraðstoð í náttúruhamförum, opin neyðarsímalína 1717 fyrir fólk í erfiðleikum, móttaka flóttamanna og aðstoð við erlenda hælisleitendur.  Listi góðverka Rauða kross Íslands er of langur til að telja upp.  Starfsemi samtakanna er í anda húmanisma og taldi stjórn Siðmenntar Rauða krossinn einstaklega verðugan þessarar viðurkenningar félagsins.  Það var Kristján Sturluson, framkvæmdastjóri Rauða kross Íslands sem veitti Húmanistaviðurkenningu Siðmenntar 2008 viðtöku.   Auk viðurkenningarskjals fékk Rauði krossinn skúlptúrlistaverkið “Flæði” eftir Elísabetu Ásberg að gjöf.

Síðari viðurkenning kvöldsins var Fræðslu- og vísindaviðurkenning Siðmenntar 2008, en það er ný viðurkenning sem veitt fyrir mikilvægt framlag í þágu fræslu um vísindi á Íslandi.  Handhafi viðurkenningarinnar var Pétur Tyrfingsson, formaður Sálfræðingafélags Íslands, sem gegnum greinaskrif og framkomu í ljósvakamiðlum hefur gefið þjóðinni heilsteypta mynd af því hvað eru vísindi og hvað gervivísindi.  Pétur hefur þannig sýnt gott fordæmi í því að fræða almenning um tilurð vísindalegrar þekkingar og að það skipti máli að ekki sé öllu því sem borið er á borð tekið sem staðreyndum án faglegrar skoðunar og gagnrýni.  Auk viðurkenningarskjals fékk Pétur bókargjöf frá Siðmennt við afhendinguna.  Hann sagði í þakkarræðu sinni m.a. að það ylli honum áhyggjum að vissar lyfjabúðir væru farnar að selja smáskammtaremidíur hómopata, en hann vildi treysta því að þegar hann kæmi í lyfjabúð fengi hann aðeins vörur sem stæðust gæðastaðla lyfjafyrirtækja og hefðu þá virkni sem lofað væri.

Báðum viðurkenningarhöfum kvöldsins var klappað lof í lófa af viðstöddum.  Að lokum sungu trúbadorarnir Þorvaldur Örn Árnason og Gunnar Guttormsson nokkur vel valin lög og var vel fagnað.

Húmanistaviðurkenning Siðmenntar 2008

Í dag fimmtudaginn 30. október var afhent hin árlega Húmanistaviðurkenning Siðmenntar. Viðburðurinn fór fram á Kaffi Reykjavík. Handhafi viðurkenningarinnar árið 2008 var Rauði kross Íslands sem hefur sinnt mannúaðarstarfi í áratugi bæði hér heima og erlendis.

Í ár var auk húmanistaviðurkenningarinnar úthlutað í nýjum flokki viðurkenningar sem hefur fengið heitið Fræðslu- og vísindaviðurkenning Siðmenntar. Eitt af meginviðfangsefnum félagsins er afstaða þess til þekkingarfræði og stuðningur við vísindalega þekkingarleit og fræðslu. Það var því við hæfi að veita viðurkenningu þeim aðila sem félaginu þykir hafa fært þjóðinni mikilvægt framlag í þessum efnum. Sá sem þau hlaut var Pétur Tyrfingsson, sálfræðingur.

Lesa