Posts Tagged ‘Fréttir’

Fundur með fulltrúum utanríkisráðuneytis

Utanríkisráðuneytið

Þann 10. ágúst 2015 sendi Siðmennt utanríkisráðherra bréf vegna fjórða morðsins á árinu á baráttuaðila fyrir trúfrelsi. Það eru vígasveitir íslamista í Bangladess sem eru ábyrg fyrir morðunum. Bloggarinn, trúleysinginn og húmanistinn Niloy Chowdhury Neel var myrtur þann sjöunda þessa mánaðar.

UtanríkisráðuneytiðÍ bréfi til ráðherrans er óskað eftir fundi með honum og jafnframt óskað eftir því við ráðherra: „ … beiti sér fyrir því á alþjóðavettvangi að þessi morð verði stöðvuð. Einnig er þess farið á leit að ríkisstjórnin sendi ráðamönnum í Bangladess bréf þar sem farið er fram á að gripið verði til ráðstafana til þess að tryggja að fólk geti tjáð skoðanir sínar.“

Lesa áfram ...

Stephen Law á Íslandi

Stephen_Law_(2014)

Breski heimspekingurinn Stephen Law verður hér á landi í boði Siðmenntar og flytur tvö erindi á vegum félagsins. Mánudaginn 31. ágúst ræðir Law þađ sem hann kallar Believing bullshit á Kex hosteli Skúlagötu 28 kl. 20.

Miðvikudaginn 2. september kl. 17 í stofu HT104 á Háskólatorgi,  flytur hann erindi sem kallast The war for children’s minds.

Allir eru velkomnir á þessa viðburði.

Auk þess mun Law hitta háskólakennara og nemendur á meðan á dvöl hans stendur.

Lesa áfram ...

Fjórði húmaníski bloggarinn myrtur í Bangladess

731-sidmennt-profilepic

Enn berast fregnir af aföku vígasveita íslamista í Bangladess á fólki sem berst fyrir trúfrelsi. Bloggarinn, trúleysinginn og húmanistinn Niloy Chowdhury Neel var myrtur en hann fannst á heimili sínu og hafði verið hálshöggvinn og búið að höggva af honum hendurnar.

Neel er fjórði trúlausi bloggarinn sem myrtur hefur verið á þessu ári vegna skoðana sinna en hann var forystumaður í samtökunum Science and Rationalist Association og þátttakandi í blogghópi húmanista og trúleysingja sem vilja trúfrelsi og að tjáningarfrelsi sé virt. Húmanistar og aðrir trúleysingjar lifa í stöðugum ótta um líf sitt. Vegið er harkalega að tjáningar- og trúfrelsi en bóksatafstrúar íslamistar eru með dauðalista yfir einstaklinga sem leyfir sér að hafa slíka skoðun..

Lesa áfram ...

Siðmennt styrkir hjálparstarf húmanista í Nepal

SOCH NEPAL, NGO of nepal logo

Siðmennt styrkir hjálparstarf húmanista í Nepal

Stjórn Siðmenntar samþykkti á fundi sínum að styðja við hjálparstarf sem unnið er af Society for Humanism Nepal (SHN), systursamtökum Siðmenntar í Nepal. Ákveðið var að veita 100.000 krónur til félagsins en áður hafði félagið veitt Rauða krossi Íslands 500.000 króna framlag stuttu eftir að jarðskjálftinn 25. apríl reið yfir.

SOCH NEPAL, NGO of nepal logoInternational Humanist and Ethical Union (IHEU), alþjóðasamtök siðrænna húmanista sem Siðmennt er aðili að, hvatti aðildarfélög sín til að styðja við hjálparstarf SHN sem felst í að koma á fót athvarfi þeirra sem hafa misst heimili sín í skjálftanum en ekki verður hægt að endurbyggja þau áður en rigningatímabilið hefst en það er á næsta leiti. Að auki munu samtökin dreifa matvælum til þurfandi. Yfir 1000 sjálfboðaliðar á vegum samtakanna starfa við hjálparstarfið.

„Vil teljum það siðferðilega skyldu okkar sem manneskjur að styðja við fólk í neyð“ segir Jóhann Björnsson, formaður Siðmenntar. „Tala látinna er mjög há og heimili tug þúsunda eyðilögðust í skjálftanum. Siðmennt ákvað að nota hluta af því fjármagni sem það fær greitt úr ríkissjóði með hverjum félagsmanni til að koma samfélaginu í Nepal á réttan kjöl. Þó að upphæðirnar virðast smáar í samanburði við þá miklu þörf á uppbyggingu er peningum betur komið þar.“

Um Siðmennt
Siðmennt var skráð veraldlegt lífsskoðunarfélag 3. maí 2013. Félagið talar fyrir veraldlegu samfélagi sem byggir á mannréttindum og lýðræði. Siðmennt berst fyrir fullu trúfrelsi sem m.a. felur í sér aðskilnað ríkis og kirkju og að hið opinbera hætti beinum afskiptum af  trúar- eða lífsskoðunum fólks.

Siðmennt hefur í 27 ár boðið upp á borgaralegrar fermingar sem verða vinsælli með hverju árinu. Frá 2008 hefur félagið einnig boðið upp á aðrar félagslegar athafnir s.s. giftingu, nafngjafir og útfarir.

 

Fyrir hönd stjórnar Siðmenntar
Jóhann Björnsson, formaður Siðmenntar
netfang: johann@sidmennt.is, sími: 844-9211

Sigurður Hólm Gunnarsson, varaformaður Siðmenntar
netfang: siggi@sidmennt.is, sími: 898-7585

Vefur Siðmenntar: http://sidmennt.is/
Siðmennt á Facebook:  https://www.facebook.com/sidmennt

Siðmennt styrkir hjálparstarf Rauða krossins í Nepal um hálfa milljón

Raudikrossinn_hringmerki

Raudikrossinn_hringmerkiStjórn Siðmenntar ákvað fyrr í vikunni að veita 500.000 krónum til hjálparstarfs Rauða krossins vegna jarðskjálftanna í Nepal. Er það stjórninni bæði ljúft og skylt að láta fé af hendi rakna handa þeim sem eru í sárri neyð. Siðmennt hvetur önnur trúar- og lífsskoðunarfélög til að gera slíkt hið sama.

Nánari upplýsingar um hjálparstarf Rauða krossins í Nepal:

http://www.raudikrossinn.is/page/rki_styrkja_hjalparstarf


Login