Siðmennt

Málsvari manngildisstefnu og frjálsar hugsunar.

Siðmennt - félag siðrænna húmanista á Íslandi, var stofnað 1990. Félagið er málsvari manngildisstefnu (húmanisma) og frjálsrar hugsunar, óháð trúarsetningum, og stendur fyrir veraldlegum athöfnum.

Meira um Siðmennt

Það er mikilvægt að eiga val.

Frá árinu 1989 hefur Siðmennt staðið fyrir borgaralegum fermingum.

Mörg ungmenni á fermingaraldri eru ekki reiðubúin til að vinna trúarheit. Sum eru annarrar trúar eða trúa á guð á sinn hátt og önnur eru ekki trúuð. Fyrir þau ungmenni er borgaraleg ferming góður kostur.

Nánari upplýsingar um borgaralega fermingu

Fallegar veraldlegar eða húmanískar nafngjafarathafnir.

Siðmennt býður uppá uppá þjónustu athafnarstjóra við fallegar veraldlegar eða húmanískar nafngjafarathafnir til þess að gefa barni formlega nafn og fagna þeirri merku ákvörðun í lífi þess og fjölskyldunnar.

Meira um veraldlega nafngjöf

Siðmennt leiðir pör saman til giftingar óháð kynhneigð eða lífsskoðun.

Veraldleg/húmanísk gifting fer fram til að fagna því að par (óháð kynhneigð) vill opinbera heit sín til hvors annars á formlegan og hátíðlegan máta fyrir framan fjölskyldu sína og vini.

Nánar um veraldlega giftingu

Til að minnast látins ættingja eða vinar á virðulegan máta.

Veraldleg útför fer fram til að minnast á formlegan og virðulegan máta látins ættingja eða vinar rétt eins og þær trúarlegu, en munurinn er sá að í veraldlegri athöfn fer ekki fram lestur trúarlegra ritninga, bænalestur eða sálmasöngur.

Meira um veraldlega útför

Stjórnvöld eiga að vera hlutlaus og óháð trúarbrögðum.

Stjórnvöld eiga að tryggja frelsi einstaklinga og vernda rétt þeirra til að lifa samkvæmt þeim lífsskoðunum sem þeir sjálfir kjósa. Stjórnvöld eiga að vera hlutlaus, óháð trúarbrögðum og eiga ekki að hygla ákveðnum lífsskoðunum umfram önnur.

Meira um áherslur Siðmenntar í trúfrelsismálum

Taktu þátt í starfsemi Siðmenntar!

Siðmennt fagnar nýjum félögum. Til viðbótar við hinn félagslega ávinning að því að vera félagi í Siðmennt fá félagar afslátt af athafnaþjónustu félagsins.

Stjórn félagsins svarar öllum skriflegum erindum félagsmanna og aðstoðar eftir bestu getu og aðstöðu.

Hafðu samband

  • Um SiðmenntUm Siðmennt
  • Borgaraleg fermingBorgaraleg ferming
  • NafngjöfNafngjöf
  • GiftingGifting
  • ÚtförÚtför
  • TrúfrelsiTrúfrelsi
  • Hafðu sambandHafðu samband

Stórgóð ræða Ögmundar Jónassonar innanríkisráðherra

4. nóvember 2011 - Stjórn Siðmenntar Flokkur: Fréttir - Efnisorð:

Ögmundur Jónasson innanríkisráðherra

Ræða innanríkisráðherra við afhendingu viðurkenninga Siðmenntar 3. nóvember 2011

Guðsótti og góðir siðir, segja menn. Óttinn við Guð er upphaf viskunnar. Það kenndi Gamla Testamentið.

En hvað gerist ef óttinn er tekinn út úr jöfnunni? Ef Guð bregður sér frá? Verður þá allt stjórnlaust einsog í barnaskólabekk, þegar kennarinn fer fram? Eða getur verið að réttlætiskennd, heiðarleiki, samúð og kærleikur séu manninum eiginleg? Höfum við samvisku? Hvaðan kemur hún?

Hvert sem svarið er, þá er ljóst að hvorki Guð né ótti er forsenda góðra siða.

Samviskan er okkur ásköpuð og eiginleg og gott uppeldi ræktar hana og þroskar. Og best þroskumst við í óttaleysi. Og kærleika.

Fjöldi fólks velur að lifa án trúarbragða en fæstir myndu kjósa líf án kærleika. Kærleikur er upphaf viskunnar, ekki ótti. Ótti leiðir til vanlíðunar og vondra verka. Nýja Testamentið tekst á við ótta með allt öðrum hætti en Gamla Testamentið og önnur trúarbrögð hafa óþrjótandi svör til þeirra sem spyrja.

Lesa áfram ...

Húmanistaviðurkenning Siðmenntar 2011

Siðmennt-3-nov-13b
3. nóvember 2011 - Stjórn Siðmenntar Flokkur: Fréttir - Efnisorð: ,

Fimmtudaginn 3. nóvember var hin árlega Húmanistaviðurkenning Siðmenntar afhent, sjöunda árið í röð, og fór viðburðurinn fram á Icelandair Hótel Reykjavík Natura. Handhafi viðurkenningarinnar árið 2011 er Páll Óskar Hjálmtýsson  sem hefur árum saman barist fyrir mannréttindum samkynhneigðra og með jákvæðni sinni, sköpunarkrafti og einlægri framkomu verið landsmönnum öllum kærkomin fyrirmynd.

Fræðslu- og vísindaviðurkenningu Siðmenntar var úthlutað í fjórða sinn. Árið 2008 hlaut Pétur Tyrfingsson sálfræðingur hana, árið 2009 hlaut Orri Harðarson hana og árið 2010 Ari Trausti Guðmundsson. Eitt af megin umfjöllunarefnum félagsins er þekkingarfræðin og stuðningur við vísindalega þekkingarleit og fræðslu. Félagið veitir viðurkenningu þeim aðila eða samtökum sem hafa fært þjóðinni mikilvægt framlag í þessum efnum. Að þessu sinni eru það Stjörnuskoðunarfélag Seltjarnarness og  Stjörnufræðivefurinn sem hljóta viðurkenninguna.

Ögmundur Jónasson, Mannréttindaráðherra, flutti ávarp við upphaf viðburðar.

Ljósmyndir frá viðurkenningarafhendingunni er að finna neðst í þessari færslu.

Lesa áfram ...

Borgaraleg ferming 2012 – Kynningarfundur höfuðborgarsvæðisins

Siðmennt lógó_featured
2. nóvember 2011 - Stjórn Siðmenntar Flokkur: Fréttir - Efnisorð:

Kynningarfundur fyrir ungmenni og aðstandendur þeirra sem hafa áhuga á borgaralegri fermingu verður haldinn

Laugardaginn 12. nóvember 2011 kl. 11:00 – 12:30, í sal 1 í Háskólabíói

Á kynningarfundinum verður næsta fermingarnámskeið Siðmenntar kynnt. Ennfremur verður greint frá fyrirkomulagi væntanlegrar athafnar næsta vor og sýnt verður kynningarmyndband frá athöfnunum sem haldnar voru vorið 2011.

Siðmennt tekur þátt í málþingi um umburðarlyndi í trúmálum

7. október 2011 - Stjórn Siðmenntar Flokkur: English news, Fréttir - Efnisorð:

Samfélag Ahmadiyya múslima á Íslandi stendur fyrir málþingi um umburðarlyndi í trúmálum í Norræna húsinu á föstudaginn 7. október kl. 17.

Málþingið fer fram á ensku og dagskráin er sem hér segir:

Lesa áfram ...

Einstaklega góð hugvekja Huldu Þórisdóttur í athöfn fyrir alþingismenn

1. október 2011 - Stjórn Siðmenntar Flokkur: Fréttir - Efnisorð:

Í morgun flutti Hulda Þórisdóttir, Ph.D. í sálfræði, hugvekju á vegum Siðmenntar í athöfn þeirri sem félagið bauð alþingismönnum fyrir setningu Alþingis 1. október.  Hulda er lektor við HÍ og er þekkt fyrir það m.a. að hún skrifaði sálfræðilegt mat á fjármálahruninu í skýrslu Rannsóknarnefndar Alþingis.

Texti hugvekjunnar, sem hún kallaði „Stefnt að betri ákvörðunum“, er hér allur fyrir neðan.

Nú þáðu 13 alþingismenn frá 4 af 5 flokkum á Alþingi og utan flokka, boð félagsins.  Þetta er 1/5 hluti þingmanna og er mikið stökk í þátttöku. Siðmennt þakkar þeim fyrir komuna og ánægjulega stund saman.

Hér fer hugvekja Huldu:

Lesa áfram ...

Fimmtungur þingmanna á hugvekju Siðmenntar

Þingsetning
1. október 2011 - Stjórn Siðmenntar Flokkur: Fréttir - Efnisorð:

Við setningu 140. löggjafarþings í dag, 1. október, bauð Siðmennt þingmönnum til hugvekju á Hótel Borg. Þetta er í fjórða sinn sem Siðmennt býður þeim Alþingismönnum sem það kjósa að hlusta á heimspekilega hugvekju í stað messu í tilefni af setningu Alþingis. Á þessum samverustundum hafa verið flutt stutt erindi um heimspekileg og siðræn málefni.

Lesa áfram ...

Fundur um mannréttindakafla í nýrri stjórnarskrá

Lógó Siðmenntar
17. september 2011 - Stjórn Siðmenntar Flokkur: Fréttir - Efnisorð:

Siðmennt boðar til fundar næstkomandi þriðjudag, 20. september, í Norræna húsinu og hefst hann kl. 17:00.

Fundarefni er mannréttindakafli í tillögu Stjórnlagaráðs um nýja stjórnaskrá. Silja Bára Ómarsdóttir, stjórnlagaráðsfulltrúi og Bjarni Jónsson, varaformaður Siðmenntar, verða með stutt erindi en síðan verða fyrirspurnir og svör.

Fundurinn er öllum opinn og er aðgangur ókeypis.

Stjórn Siðmenntar

Menningarhátíð Siðmenntar

menningarhatið-14
16. september 2011 - Stjórn Siðmenntar Flokkur: Fréttir - Efnisorð:

Menningarhátíð Siðmenntar fór fram í Salnum í Kópavogi í gær 15. september. Margir frábærir listamenn glöddu augu og eyru gesta og Sigrún Valbergsdóttir og Felix Bergsson sáu til þess að andinn í salnum væri hlýr og persónulegur. Lista- og ræðumenn voru hver öðrum betri og allir gestir sem við heyrðum í voru á einu máli um að kvöldið hafi verið afskaplega notalegt.

Siðmennt þakkar öllu dásamlega fólkinu sem kom fram hjartanlega fyrir ómetanlegt framlag sitt og gestunum fyrir komuna. Menningarviðburður af þessu tagi á greinilega vel heima í starfi Siðmenntar og við stefnum ótrauð að því að endurtaka leikinn að ári.

Fyrir neðan má sjá myndir frá hátíðinni.

Lesa áfram ...

MENNING – LÍFSSÝN – SAMFÉLAG – Menningarhátíð Siðmenntar

Siðmennt lógó_featured
30. ágúst 2011 - Stjórn Siðmenntar Flokkur: Fréttir - Efnisorð:

Siðmennt, félag siðrænna húmanista á Íslandi, efnir til menningarhátíðar í tilefni 20 ár afmælis félagsins (sem reyndar var á síðasta ári en betra seint en aldrei!) Húmanismi (manngildisstefna) er jákvæð lífsskoðun þar sem menning skiptir miklu máli og endurspeglast í blandaðri dagskrá tónlistar og ljóða menningarhátíðarinnar.

Fjölmargir listamenn koma fram en það eru þau Ragnheiður Gröndal, Hörður Torfason, Þórarinn Eldjárn Guðmundur Felixson, Díana Lind Monzon, Magga Stína, Birgir Baldursson, Erpur Eyvindarson, Thelma Hrönn Steindórsdóttir, Felix Bergsson.

Örávörp flytja Ari Trausti Guðmundsson, Halla Sverrisdóttir, Þorsteinn Vilhjálmsson, Hulda Þórisdóttir og Jóhann Björnsson. Kynnir verður Sigrún Valbergsdóttir leikstjóri.

Tryggið ykkur miða á heimasíðu Salarinns en miðaverði er stillti í hóf og kostar miðinn aðeins 1.500 kr.

Tími:
15. september 2011 klukkan 20:00

Staðsetning:
Salurinn, Kópavogi

Nánari upplýsingar:

* Vefsíða Siðmenntar (www.sidmennt.is)

* Atburðurinn á Facebook

Borgaraleg ferming 2011 – Ávarp Þórunnar Valdísar Þórsdóttur fermingarbarns

BF2011Hallorm6-feat1
28. júní 2011 - Stjórn Siðmenntar Flokkur: Ræður - Efnisorð:

Eftirfarandi ræðu flutti Þórunn Valdís Þórsdóttir fermingarbarn í fermingarathöfn sinni á Hallormsstað 18. júní 2011.

Af hverju borgaraleg ferming?

Þórunn Valdís ÞórsdóttirEftir að ég ákvað að fermast borgaralega hef ég oft verið spurð af hverju ég valdi að fara þessa leið. Margir hneykslast og finnst að ég eigi að fermast í kirkju fyrst ég er að fermast og finnst þetta bara vera rugl.

Þegar ég nálgaðist fermingaraldurinn fór ég að spá í hvort kirkjuleg ferming hentaði mér. Ég tel mig þekkja kirkjustarf nokkuð vel þar sem ég var nokkur ár í barnakirkjukór og fylgdist  þá bæði með barna- og fullorðinsmessum af öllum gerðum og svo hef  ég lært kristinfræði og trúarbragðafræði í skóla. Kirkjustarfið og kristnu fræðin höfðuðu ekki til mín og þessar vangaveltur urðu til að sannfæra mig um að ég er ekki tilbúin til að játast undir trúarbrögð og mér fannst því ekki koma til greina að fermast í kirkju.

Lesa áfram ...


Síða 5 af 3612345678910111213...2030...Elst »

Login