Siðmennt

Málsvari manngildisstefnu og frjálsar hugsunar.

Siðmennt - félag siðrænna húmanista á Íslandi, var stofnað 1990. Félagið er málsvari manngildisstefnu (húmanisma) og frjálsrar hugsunar, óháð trúarsetningum, og stendur fyrir veraldlegum athöfnum.

Meira um Siðmennt

Það er mikilvægt að eiga val.

Frá árinu 1989 hefur Siðmennt staðið fyrir borgaralegum fermingum.

Mörg ungmenni á fermingaraldri eru ekki reiðubúin til að vinna trúarheit. Sum eru annarrar trúar eða trúa á guð á sinn hátt og önnur eru ekki trúuð. Fyrir þau ungmenni er borgaraleg ferming góður kostur.

Nánari upplýsingar um borgaralega fermingu

Fallegar veraldlegar eða húmanískar nafngjafarathafnir.

Siðmennt býður uppá uppá þjónustu athafnarstjóra við fallegar veraldlegar eða húmanískar nafngjafarathafnir til þess að gefa barni formlega nafn og fagna þeirri merku ákvörðun í lífi þess og fjölskyldunnar.

Meira um veraldlega nafngjöf

Siðmennt leiðir pör saman til giftingar óháð kynhneigð eða lífsskoðun.

Veraldleg/húmanísk gifting fer fram til að fagna því að par (óháð kynhneigð) vill opinbera heit sín til hvors annars á formlegan og hátíðlegan máta fyrir framan fjölskyldu sína og vini.

Nánar um veraldlega giftingu

Til að minnast látins ættingja eða vinar á virðulegan máta.

Veraldleg útför fer fram til að minnast á formlegan og virðulegan máta látins ættingja eða vinar rétt eins og þær trúarlegu, en munurinn er sá að í veraldlegri athöfn fer ekki fram lestur trúarlegra ritninga, bænalestur eða sálmasöngur.

Meira um veraldlega útför

Stjórnvöld eiga að vera hlutlaus og óháð trúarbrögðum.

Stjórnvöld eiga að tryggja frelsi einstaklinga og vernda rétt þeirra til að lifa samkvæmt þeim lífsskoðunum sem þeir sjálfir kjósa. Stjórnvöld eiga að vera hlutlaus, óháð trúarbrögðum og eiga ekki að hygla ákveðnum lífsskoðunum umfram önnur.

Meira um áherslur Siðmenntar í trúfrelsismálum

Taktu þátt í starfsemi Siðmenntar!

Siðmennt fagnar nýjum félögum. Til viðbótar við hinn félagslega ávinning að því að vera félagi í Siðmennt fá félagar afslátt af athafnaþjónustu félagsins.

Stjórn félagsins svarar öllum skriflegum erindum félagsmanna og aðstoðar eftir bestu getu og aðstöðu.

Hafðu samband

Páll Óskar

BORGARALEG FERMING 2011. Háskólabíó.  Sunnudaginn 10. apríl 2011

(Sjá myndband)

Ég vil byrja á því að þakka Siðmennt fyrir að leyfa mér að halda þessa ræðu – og óska ykkur öllum fermingarbörnunum hjartanlega til hamingju með að borgaralegu ferminguna.   Það er alveg aðdáunarvert að það sé svo mikið af unglingum sem spyrja sig sjálf krefjandi spurninga og gleypi ekki við öllu umhugsunarlaust, og gangi í gegnum sína fermingu á siðferðislegum og heimspekilegum grunni.   Þið eruð algert æði.

Einu sinni var ég staddur á listahátíð í Berlín.  Þar sá ég eitt alflottasta og áhrifaríkasta listaverk sem ég hef séð á æfinni.   Listaverkið var eins og öryggishlið á flugvelli.  Á öllum flugvöllum þá er alltaf leitað á manni – verið að athuga hvort maður sé með byssur eða hnífa á sér.  Þetta listaverk var nákvæmlega svona.  Þetta var leitartæki sem pípaði á mann, og maður þurfti að labba í gegnum þetta á listasýningunni.  Það var eitt hlið fyrir karla og eitt fyrir konur.  Nema hvað, það var búið að steypa og móta hliðin, þannig að útlínurnar á því væru nákvæmlega eins í laginu eins og tvær heimsfrægar fullkomnar manneskjur, Jennifer Aniston, og Arnold Schwarzenegger.

Lesa áfram ...

BF2011-28

Í dag 10. apríl fóru fram í Háskólabíói tvær borgaralegar fermingarathafnir á vegum Siðmenntar. Ungmennin sem voru útskrifuð úr fermingarundirbúningi Siðmenntar og fengu afhent skírteini því til staðfestingar voru 176 og hafa aldrei verið fleiri. Páll Óskar Hjálmtýsson hélt einlæga og hlýlega ræðu og börnin fluttu sjálf ýmis skemmtiatriði; léku á flygil, sungu, dönsuðu, fluttu ræður og ljóð, auk þess sem heilu hljómsveitirnar á vegum fermingarbarna stigu á svið.

Okkur í Siðmennt þótti takast sérlega vel til í ár og þökkum það vitaskuld fyrst og fremst öllu hugrakka og hæfileikaríka unga fólkinu sem kaus að nýta sér veraldlega athöfn á vegum siðrænna húmanista. Með því að velja borgaralega fermingu treysta þau í sessi þennan valkost sem við teljum afar brýnt að sé í boði. Þess skal getið að minni athöfn fór fram 19. mars síðastliðinn í Hofi á Akureyri þar sem 10 börn fermdust borgaralega og 6 til viðbótar munu fermast í Hallormstaðaskógi í júni.

Siðmennt óskar börnunum í borgaralega fermingarárganginum 2011 innilega til hamingju með daginn og vonar að fermingarundirbúningurinn og orðin í fermingarskírteininu verði þeim hvatning til að vera víðsýnt, heiðarlegt og hugulsamt fólk.

Við þökkum fyrir samveruna í dag.

Myndir frá seinni athöfninni fylgja hér á eftir.

Lesa áfram ...

Alþingi

Í síðustu viku var tillaga til þingsályktunar um endurskoðun á núverandi kirkjuskipan lögð fram á Alþingi af átta þingmönnum úr þrem flokkum undir forystu Árna Þórs Sigurðssonar.

„Alþingi ályktar að fela innanríkisráðherra að skipa nefnd til að endurskoða núverandi kirkjuskipan landsins. Nefndin verði skipuð fulltrúum innanríkisráðuneytis og mennta-og menningarmálaráðuneytis auk fulltrúa þingflokka, þjóðkirkjunnar og annarra trúfélagaog lífsskoðunarfélaga. Verkefni nefndarinnar verði að meta kosti og galla mismunandi kirkjuskipanar, endurskoða núverandi samband ríkis og kirkju og meta hvort og hvaða breytingar rétt sé að gera á því. Nefndin skili ráðherra tillögum sínum fyrir árslok 2011.“

Lesa áfram ...

CFI_Center_For_Inquiry

Samtökin Center for Inquiry gáfu nýverið út þetta líflega og skemmtilega myndskeið til að minna á tilveru trúlausra í Bandaríkjunum. Myndskeiðið er aðeins 1 mínúta á lengd en kemur engu að síður mörgu til skila.

Lesa áfram ...

Siðmennt - Nýr vefur

Siðmennt hefur eignast nýja vefsíðu. Á vefnum má meðal annars finna ítarlegar upplýsingar um hugmyndafræði og þjónustu félagsins. Kapp hefur verið lagt á að skýra uppsetningu og þægilegt viðmót. Lesendur eru hvattir til að senda Sigurði Hólm Gunnarssyni, vefstjóra Siðmenntar, ábendingar og tillögur um það sem má betur fara.

Lesa áfram ...

Scottish wedding

Húmanískar giftingar eru vinsælli en kaþólskar giftingar í Skotlandi. IHEU segir frá þessu á heimasíðu sinni hér.

Húmanískar giftingarathafnir er þriðja vinsælasta athafnarformið fyrir giftingar og sú eina sem hefur aukist í vinsældum. Húmanískar giftingar voru gerðar löglegar í skotlandi í júní 2005 sem gerir Skotland eitt af aðeins sex löndum þar sem húmanísk gifting er lagalega bindandi.

lifering

L I F E R I N G er veraldlega þenkjandi félag allsgáðra alkóhólista og vímuefnafíkla sem leggur áherslu á sjálfshjálp og sjálfsábyrgð þeirra sem vilja berjast gegn áfengis – og vímuefnanauð sinni. Félagið er óháð trúarlegum viðhorfum og söfnuðum. Geta allir tekið þátt í störfum þess, hverjar sem lífsskoðanir þeirra eru, enda er ekki gerð krafa um að fólk temji sér ákveðin markmið umfram bindindi á áfengi og vímuefni.

Félagið byggist á sjálfshjálparhópum sem hafa það eitt markmið að styðja alla sem haldnir eru áfengis– eða vímuefnafíkn og vilja í einlægni halda bindindi.

Fundir félagsins einkennast af persónulegri tjáningu og hreinskiptum samræðum þar sem einlæg og uppbyggileg viðhorf eru höfð að leiðarljósi. Hvetur félagið til vísindalegra rannsókna á áfengisfíkn og annarri vímuefnanauð.

Fundir félagsins eru þrír vikulega:

– í Von húsi SÁÁ Efstaleiti 7 efri hæð miðvikudaga kl. 18

– í Von húsi SÁÁ Efstaleiti 7 efri hæð föstudaga kl. 18

– í Brautarholti 8, efri hæð laugardaga kl. 12

_________________

L I F E R I N G – EMPOWER YOUR SOBER SELF

lifering.org

World Humanist Congress 2011

Heimsþing húmanista árið 2011 verður haldið í Osló í dagana 12.-14. ágúst 2011. Hér á eftir kemur tilkynningin frá IHEU (International Humanist and Ethical Union) á ensku. Það má fylgjast með þinginu sem haldið verður af IHEU á Twitter, YouTube, FaceBook og að sjálfsögðu á heimasíðu samtakanna.

Lesið meira um þingið eða skráið ykkur á það með því að heimsækja: www.human.no/oslo2011.

Lesa áfram ...

Ferming 2010

Eftirfarandi eru upplýsingar fyrir fjölskyldur með ungmenni í Borgaralegri fermingu 2011.

Jólabréf með nafnalista – Sent til fjölskyldna í des 2010.
Jólabréf BF (í pdf) – Nafnalisti (í Excel formati)

Athugið að nauðsynlegt er að vera með pdf-skoðara uppsettan í tölvunni sinni. Við mælum með Foxit Reader þó Adobe Readerinn gamli standi alltaf fyrir sínu. Excel skjöl er einnig hægt að lesa með hinum ókeypis Open Office pakka, fyrir þá sem ekki eru með Excel frá Microsoft.

Borgaraleg ferming 2008

Tilkynning frá Siðmennt um breytingu á lokadegi seinskráningar í borgaralega fermingu.

Ljóst er að annað árið í röð er met þátttaka í borgaralegri fermingu.  Allir námskeiðshópar eru því fullir og þurfti að bæta við nýjum hópi til að mæta þessum auknu vinsældum.  Ungmennin eru nálægt tvö hundruð.  Auk Reykjavíkur verða haldin námskeið á Akureyri og Selfossi.

Leyfa átti seinskráningar til 20. desember, en sökum þessarar stöðu verður að hætta viðtöku skráninga eftir morgundaginn, 15. desember 2010.   Í dag og á morgun eru því síðustu forvöð til að tilkynna þátttöku.

Lesa áfram ...


Login