Málþing um þjóðernisstefnu | 14. október 2017

Málþing um þjóðernisstefnu | 14. október 2017

Staður: Center Hótel Plaza, Aðalstræti
Tími: 11:00-13:00
Fundarstýra: Katrín Oddsdóttir
Frummælendur:
– Þjóðernispoppúlismi okkar daga
Eiríkur Bergmann. er prófessor í stjórnmálafræði við Háskólann á Bifröst og höfundur bókarinnar Nordic Nationalism and Right-Wing Populist Politics sem Palgrave Macmillan gaf út fyrr á þessu ári.
Í þessu erindi er fjallað um uppgang þjóðernispopúliskra flokka í Evrópu frá lokum seinni heimstyrjaldar. Þótt þjóðernispopúlískrir stjórnmálaflokkar geti raunar verið æði ólíkir þá eiga þeir samt nokkra skýra þætti. Í einfaldri mynd má segja að þjóðernispopúlisti sé sá sem elur á ótta gagnvart utanaðkomandi ógn sem hann hefur framkallað í hugum fólks og stillir sjálfum sér upp sem brjóstvörn fyrir þann hóp sem ber að gæta og ógnarinnar sem ber að verjast.
– Jarðvegur þjóðernishyggju á Íslandi
Hulda Þórisdóttir stjórnmálasálfræðingur, dósent við Háskóla Íslands.
Í erindinu mun Hulda velta fyrir sér jarðvegi þjóðernishyggju og lýðhyggju (e. populism) á Íslandi. Hún mun rýna í niðurstöður úr íslenskum viðhorfarannsóknum meðal almennings til þess að meta hvernig og hvort það séu vísbendingar um að þjóðernispopúlisk viðhorf hafi farið vaxandi eða minnkandi á Íslandi á síðastliðnum árum.
Að lokum mun hún setja þessar niðurstöður í samhengi við íslenskt stjórnmálalandslag og kenningar fræðimanna til þess að velta fyrir sér mögulegri framtíðarþróun.
– Húmanismi gegn þjóðernishyggju, fyrir betra samfélag
Jóhann Björnsson er kennari og doktorsnemi í heimspeki menntunar auk þess að vera formaður Siðmenntar.
– A quarter of a century with the Sweden Democrats – from Swastikas to 3-piece suits
Gellert Tamas er sænskur rithöfundur, blaðamaður og heimildamyndagerðarmaður. Bækur hans og heimildamyndir hafa vakið umræðu víða um heim og hlotið viðurkenningar.
Bók hans um hægri öfgastefnu, Lasermannen, sem kom út snemma á níunda áratugnum, hefur selst í yfir 200.000 eintökum og hefur verið þýdd á mörg tungumál. Kvikmynd hefur verið gerð eftir bókinni og leikgerð upp úr henni sett upp í leikhúsi.
Tamas hefur framleitt heimildarmyndir um sænsk-erítreska blaðamanninn Dawit Isaak sem situr í fangelsi í Erítreu og mannréttindafrömuðinn Katarina Taikon. Nýjast bók Tamas Det svenska hatet fjallar um hægri þjóðernisstefnu í Svíþjóð og Evrópu og um herskáan íslamisma.

Generic selectors
Ströng leit
Leita í fyrirsögnum
Leita í megintexta
Leita í færslum
Leita á síðum
Sía eftir flokkum
English News
Fréttir
Greinar
Ræður
Viðburðir - upptökur