Skráning í borgaralega fermingu

Skráning og skráningarfrestur

Skráning hófst 1. ágúst 2018

Skráningarfrestur verður til 15. nóvember

Þó verður enn hægt að skrá sig eftir það í byrjun desember ef það eru ennþá laus pláss á námskeiðunum. Verður þá lagt á sérstakt seinskráningargjald, þar sem skipulagsvinna hefur þegar átt sér stað.

Óvíst er að hægt sé að taka við beiðnum um skráningu eftir miðjan desember en námskeiðin byrja venjulega í fyrstu heilu vikunni í janúar, en þó með undantekningum. Greiða þarf þátttökugjaldið (námskeið og athöfn innifalin) fyrir byrjun kennslunnar.

Athugið að þó að seinskráningar séu leyfðar eru þær þó frekar óæskilegar, því þær skapa oft miklu meiri vinnu fyrir aðstandendur BF en annars væri þörf á, og það í sjálfum desember mánuði.

Staðfestar dagsetningar fyrir borgaralegar fermingarathafnir 2019 má sjá á BF 2019 upplýsingasíðunni.

Afsláttur af þátttökugjaldi fyrir félaga í Siðmennt

Aðild að Siðmennt er ekki skilyrði fyrir þátttöku í BF.

Meðlimir í Siðmennt fá að venju góðan afslátt.

Ef annað foreldri er skráð í Siðmennt er veittur 8.000 kr. afsláttur ef báðir eru skráðir er veittur 16.000 kr. afsláttur.*

Ef systkini fermast á sama tíma, er veittur 20% afsláttur.

*Mikilvægt er að senda félaginu skjáskot af vefsíðu Þjóðskrár sem staðfestir að viðkomandi sé í Siðmennt til að geta fengið afslátt. 

Close Menu
×
×

Cart