Þetta er upplýsingasíða fyrir borgaralega fermingu 2017

Upplýsingasíðan verður uppfærð reglulega með nýjum upplýsingum. Athugið að þetta er upplýsingasíða vegna námskeiða sem hefjast 2017  og athafna sem eiga sér stað um vorið 2017. 

Mikilvægt að vita

  • Skráning í Borgaralega fermingu 2017 hófst 1. ágúst og lauk formlega 15. nóvember. Þó er enn hægt að skrá sig eftir það og fram í miðjan desember, ef laust er á námskeiðum, að viðbættu seinskráningargjaldi. Sjá nánar á skráningarsíðunni.
  • Kynningarfundur verður haldinn sunnudaginn 6. nóvember kl 12:00 í stóra salnum í Háskólabíó. Þeir sem senda inn skráningu í BF fyrir þann tíma fá fundarboð á kynningarfundinn sent með tölvupósti, en annars eru allir áhugasamir velkomnir.
  • Staðfestar dagsetningar fyrir borgaralegar fermingarathafnir 2017:
    • Sunnudaginn 2. apríl 2017 í Háskólabíó í Reykjavík – 3 athafnir, kl. 10:30, 12:30 og 14:30. 
    • Laugardaginn 8. apríl 2017 kl. 14:00 í Fjölbrautaskóla Suðurnesja.
    • Laugardaginn 8. apríl 2017 kl. 14:00 í Fjölbrautaskóla Suðurlands.
    • Sunnudaginn 23. apríl 2017 í Salnum í Kópavogi – 3 athafnir, kl. 10:30, 12:30 og 14:30. 
    • Laugardaginn 3. júní 2017 kl. 14:00 í sal Háskólans á Akureyri.
    • Laugardaginn 3. júní 2017 kl. 14:00 í Skrúðgarðinum á Húsavík
    • Athafnir annars staðar eru ekki enn ákveðnar en möguleiki er á þeim ef næg þátttaka fæst á viðkomandi stöðum.

Fara á skráningarsíðu

Kostnaður

Námskeiðsgjald fyrir ferminguna árið 2017 er kr. 27.000 á hvert ungmenni. Til viðbótar kostar fermingarathöfnin kr. 12.000 (athafnargjald), eða samanlagt kr. 39.000, innheimt í einu þátttökugjaldi. Þeir sem ekki taka þátt í athöfn borga ekki athafnargjaldið. Sjá nánar á þessari síðu um fermingargjöld og afslætti.

Mikilvæg skjöl

  • Glærukynning á kynningarfundi 6. nóv. 2106 í Háskólabíói. (Microsoft Powerpoint).
  • Niðurröðun á námskeið og athafnir. Hérna sést í hvaða námskeið og athafnir fermingarbörnin hafa verið sett í. Það sést í skjalinu hvenær það var uppfært síðast, en þetta skjal er ekki uppfært jafnóðum, þannig að ef að þið hafið skipt um námskeið eða athafnir síðan skjalið var uppfært er ekki víst að breytingin sjáist í skjalinu strax.
  • Upplýsingahefti fyrir námskeið. Þetta hefti inniheldur fullt af upplýsingum um hvenær námskeiðin byrja, kl hvað, hvar þau eru haldin, o.s.frv.

Athugið að flest skjalanna hérna eru á PDF formati en til þess að geta opnað þau getur verið nauðsynlegt að vera með PDF skoðara (PDF viewer) uppsettann í tölvunni sinni. Við mælum með Adobe Reader (sá klassíski) eða Foxit Reader (tekur mun minna pláss á tölvunni).

Námskeiðið 2017: Kennarar og lýsing

Jóhann Björnsson heimspekikennari hefur umsjón með námskeiðinu og kennir flesta tíma. Allar fyrirspurnir vegna námskeiðsins eiga að berast til hans á netfangið johann@sidmennt.is eða í síma 8449211.

Kennarar verða kynntir þegar nær dregur

Á námskeiðinu er mikil áhersla lögð á að þjálfa þátttakendur í að hugsa gagnrýnið og skapandi auk færni í að takast á við siðferðileg álitamál. Þátttakendur fá síðan tækifæri til þess að bregðast við og taka afstöðu til ýmissa mála á gagnrýnin hátt og af siðferðilegum heilindum. Þessi mál eru að vera unglingur í auglýsinga- og neyslusamfélagi, fordómar og fjölmenning, hamingjan og tilgangur lífsins, skaðsemi vímuefna, sjálfsmynd unglinga og samskipti kynjanna, sorg og áföll, samskipti unglinga og fullorðinna, hverju getur maður trúað?

Nánar má lesa um námskeiðið á Vefsvæði borgaralegrar fermingar.

Tímasetningar námskeiða 2017

Í Reykjavík verða haldin vikuleg námskeið sem spanna 12 vikur og eitt helgarnámskeið. Fermingarbörnin mæta einu sinni í viku og fá að koma með óskir um hvaða dagur hentar best en kennd verða námskeið á öllum virku dögunum fimm og jafnvel með fleiri en einum hóp per dag (A og B hóp) ef fjöldi skráðra kallar á slíkt. Mögulegir staðir helgarnámskeiða utan Reykjavíkur eru Akureyri, Selfoss, Reykjanesbær, og verða þau haldin þar ef næg þátttaka fæst. Helgarnámskeiðin eru kennd yfir tvær helgar, skipt í fyrri og seinni hluta og er farið yfir allt námsefni 12-vikna námskeiðanna á þeim. Helgarnámskeiðið í Reykjavík er ætlað krökkum af landsbyggðinni þar sem ekki verður næg þátttaka til að hafa námskeið á staðnum.

12 vikna vikulegu námskeiðin í Reykjavík verða haldin í Menntaskólanum við Hamrahlíð og verða sem hér segir:

Mánudagar kl. 16:40 til 18:00, byrjar 9. janúar
Þriðjudagar kl. 16:40 til 18:00, byrjar 10. janúar
Miðvikudagar kl. 16:40 til 18:00, byrjar 11. janúar
Fimmtudagar kl. 16:40 til 18:00, byrjar 12. janúar
Föstudagar kl. 15:40 til 17:00, byrjar 13. janúar

Helgarnámskeiðin verða sem hér segir:

Reykjavík
Staður: Réttarholtsskóli, Réttarholtsvegi, 108 Rvk.
Fyrri hluti: laugardaginn 4 og sunnudaginn 5. febrúar
Seinni hluti: laugardaginn 4. og sunnudaginn 5. mars
Kennslan á laugardögunum er frá 10:00 – 16:00 og 10:00 – 15:00 á sunnudögunum.

Athugið að helgarnámskeiðið í Reykjavík er aðallega ætlað fermingarbörnum sem eiga heima á landsbyggðinni þar sem ekki eru nógu margir á sama svæði til þess að halda sér námskeið þar. Í undantekningartilvikum getum við leyft einnig börnum sem eru upptekin alla virka virka daga við íþróttaæfingar, tónlistar- eða dansnám og slíkt og geta þess vegna ekki sótt 12 vikna námskeiðið.

Akureyri
Staður: Verkmenntaskólinn á Akureyri.
Fyrri hluti A hópur: laugardaginn 25. og sunnudaginn 26. febrúar
Fyrri hluti B hópur: laugardaginn 4. og sunnudaginn 5. mars
Seinni hluti báðir hópar: laugardaginn 1. og sunnudaginn 2. apríl
Kennslan á laugardögunum er frá 10:00 – 16:00 og 10:00 – 15:00 á sunnudögunum.

Reykjanesbær
Staður: Skátaheimilið, Hringbraut 101, Keflavík
Fyrri hluti: laugardaginn 21. og sunnudaginn 22. janúar
Seinni hluti: laugardaginn 25. og sunnudaginn 26. febrúar
Kennslan á laugardögunum er frá 10:00 – 16:00 og 10:00 – 15:00 á sunnudögunum.

Suðurland (Selfoss)
Staður: Skátaheimilið
Fyrri hluti: laugardaginn 11. og sunnudaginn 12. febrúar
Seinni hluti: laugardaginn 18. og sunnudaginn 19. mars
Kennslan á laugardögunum er frá 10:00 – 16:00 og 10:00 – 15:00 á sunnudögunum.

 

Helgarnámskeið á fleiri stöðum eru möguleg en það er háð þátttöku á hverjum stað fyrir sig.