Alþingi samþykkti í dag breytingar á lögum um skráð trúfélög sem innanríkisráðherra, Ögmundur Jónasson, lagði fram sem stjórnarfrumvarp á síðasta þingi. Þau munu nú heita Lög um skráð trúfélög og lífsskoðunarfélög. Samþykkt breytinganna er mikið mannréttindamál en stærsta breyting frumvarpsins felst í því að veraldlegum lífsskoðunarfélögum er gert kleift að sækja um skráningu sem lífsskoðunarfélag. Þar með viðurkennir Alþingi að jafnræði skuli vera á milli veraldlegra og trúarlegra lífsskoðana hvað ýmsa grunnþætti varðar en frumvarpið snertir þó ekki á þeim lagalegu og fjárhagslegu forréttindum sem Þjóðkirkjan ein nýtur.

Þá er einnig mikið fagnaðarefni að nýju lögin kveða á um að nýburar séu ekki sjálfkrafa skráðir í trú- eða lífsskoðunarfélag móður, nema að faðirinn sé í sama félagi. Foreldrar með ólíka skráningu í trú- eða lífsskoðunarfélag þurfa að ákveða það saman hvort þau ætli að skrá barn sitt í eitthvert slíkt félag og þá ef að þau gera það, verða þau að komast að samkomulagi um það.

Siðmennt mun í framhaldi gildistöku laganna senda inn umsókn til ráðuneytis um skráningu sem lífsskoðunarfélag og tryggja þannig 300 félagsmönnum Siðmenntar jafnræði á við fólk sem skráð er í trúfélög.

Siðmennt hefur unnið að þessu máli í yfir tíu ár og fagnar því niðurstöðunni mjög. Þeir þingmenn sem lögðu málinu lið á undanförnum árum og greiddu því síðan atkvæði eiga þakkir fyrir og ekki síður hrós skilið fyrir að vinna mannréttindum lið.

Frumvarpið: http://www.althingi.is/altext/141/s/0132.html

Flokkur: Fréttir - Efnisorð: ,

Comments

  1. […] Í dag þann 30. janúar 2013 samþykkti Alþingi Íslendinga breytingar á lögum sem heimila lífsskoðunarfélögum að sækja um skráningu sem slík félög og öðlast þar með sambærileg réttindi og skráð trúfélög. Þetta er mikið framfaraskref og mikill sigur fyrir félög eins og Siðmennt sem hefur barist fyrir breytingum í þessa átt í mörg ár (Fréttatilkynning frá Siðmennt 2013) […]

  2. […] Alþingi færir lífsskoðunarfélögum aukið jafnræði með nýju lögum (Siðmennt) […]

Athugasemdir

[…] Í dag þann 30. janúar 2013 samþykkti Alþingi Íslendinga breytingar á lögum sem heimila lífsskoðunarfélögum að sækja um skráningu sem slík félög og öðlast þar með sambærileg réttindi og skráð trúfélög. Þetta er mikið framfaraskref og mikill sigur fyrir félög eins og Siðmennt sem hefur barist fyrir breytingum í þessa átt í mörg ár (Fréttatilkynning frá Siðmennt 2013) […]

[…] Alþingi færir lífsskoðunarfélögum aukið jafnræði með nýju lögum (Siðmennt) […]

Skildu eftir athugasemd


Login