Sérstök tilkynning í tilefni Menningarhátíðar Siðmenntar

Kæri Siðmenntarfélagi

Þér er boðið frítt á Menningarhátíð félagins á föstudaginn kemur 21. september kl. 20:00 í Salnum, Kópavogi.  Þú mátt bjóða tveimur gestum með þér frítt. Vinsamlegast láttu vita af komu þinni með því að senda netpóst á sidmennt@sidmennt.is og tilgreina fullt nafn og fjölda miða. 

Á þessari hátíð sameinum við list og orð með tónlistarflutningi og örræðum í anda lífssýnar félagsmanna.  Þetta tókst ákaflega vel í fyrra og því ákvað stjórn Siðmenntar að láta á það reyna að gera Menningarhátíðina að árlegum viðburði, eins konar árshátíð Siðmenntarfélaga.  Stund sameiginlegrar upplifunar, ljúfra tóna, hugarfóðurs og skemmtunar.

Það er allt tilbúið fyrir hátíðina, frábær dagskrá en það verður engin hátíð án félaga Siðmenntar í áhorfendasætunum.

Meðal listamanna sem koma fram eru:

Jónas Sigurðsson, Kristjana Stefánsdóttir, Ari Eldjárn, Svavar Knútur, Hljómsveitin 1860 og fleiri.  Felix Bergsson kynnir.

Panta þarf frímiðana

Til hvatningar til félagsmanna að koma og njóta stundarinnar hefur stjórn Siðmenntar ákveðið að bjóða skráðum félögum Siðmenntar frítt á viðburðinn og mega þeir taka með sér tvo gesti sem einnig fá frítt inn (þurfa ekki að vera félagar).

Það er takmarkaður fjöldi sem kemst í Salinn (tæp 300 sæti) og því þarftu að láta vita af komu þinni með því að senda netpóst á sidmennt@sidmennt.is og tilgreina fullt nafn og fjölda miða (1-3).  Bíðið svo staðfestingar til að tryggt sé að sætin hafi verið tekin frá í þínu nafni.  (Aukasæti kosta kr. 1200 og eru þau seld á www.salurinn.is).

Mikilvægt er að panta miða sem fyrst og til að skipulagning gangi vel fyrir sig helst fyrir kl. 18 á fimmtudaginn.

Það er von stjórnar Siðmenntar að boðið hleypi lífi í aðsókn félagsmanna að viðburðinum því að þessi skemmtilega hátíð verður ekki skemmtileg án ykkar.

Kær kveðja

Stjórn Siðmenntar