BF athöfn á Hallormsstað 2011

Borgaraleg ferming á Fljótsdalshéraði fór fram 18. júní í skólanum á Hallormsstað og er þetta í annað sinn sem haldin er athöfn á Héraði. Í ár fermdust 6 börn og voru gestir um 170 sem fylltu salarkynni svo nokkrir þurftu að standa. Nokkur fermingarbarnanna höfðu æft sig til að flytja tónlist, syngja og eitt barnanna flutti hugvekju um borgaralega fermingu frá sínu sjónarhorni. Berglind Agnarsdóttir flutti viðeigandi sögu og ræðu dagsins flutti Sigurður Ólafsson foreldri fermingarbarns. Við upphaf athafnarinnar og lok hennar fluttu Helga Sjöfn Hrólfsdóttir og Tryggvi Hermansson tónlist. Athöfnin einkenndist af hátíðleika og var hún virðuleg og tókst mjög vel. Mikil ánægja var með athöfnina og voru foreldrar og aðstandendur ánægð í lok dags.

Meðfylgjandi eru myndir úr athöfninni.

Helga Sjöfn Hrólfsdóttir og Tryggvi Hermansson fluttu tónlist við upphaf athafnar.
Bjarni Jónsson, athafnastjóri Siðmenntar, stjórnaði athöfninni og flutti ávarp.
Dagur Már Óskarsson fermingarbarn (t.v) flytur Apache eftir Shadows á gítar ásamt móður bróður sínum
Ástrós Líf Helgadóttir og Saga Lind Sigurðardóttir fermingarbörn syngja vel valið lag.
Þórunn Valdís Þórsdóttir fermingarbarn ræðir um borgaralega fermingu út frá eigin sjónarhorni.
Berglind Agnarsdóttir sagnaþula flytur sögu í tilefni dagsins.