Um næstu mánaðamót mun foreldranefndin senda út bréf (bæði rafrænt og með venjulegum pósti) með öllum nánari upplýsingum um Borgaralegu fermingarathöfnina og æfinguna daginn á undan.
Páskaleyfi verður tekið vikuna 21-25 mars.
Kennsla hefst aftur þriðjudaginn 29. mars.
Í næstsíðustu kennslustund er foreldrum / forráðamönnum boðið að koma ásamt börnum sínum til að eiga með okkur stund. þar munum við ræða um hvað við höfum verið að gera á námskeiðinu í vetur, um athöfnina og sitthvað fleira.
Ekki er gert ráð fyrir að þessi tími verði lengur en í klukkustund. Þessi tímar eru sem hér segir:
Þriðjudagshópur 29. mars kl. 16.30.
Fimmtudagshópur 31. mars kl. 16.30
Föstudagshópur 1. apríl kl. 15.30
Þing unga fólksins var haldið í af ungliðahreyfingum allra stjórnmálaflokkanna dagana 11. – 13. mars 2005. Fulltrúar allra ungliðahreyfinga voru sammála um nauðsyn þess að aðskilja ríki og kirkju og tryggja trúfrelsi á Íslandi. Er þetta afar ánægjulegt sérstaklega í ljósi þess að fulltrúar stjórnmálaflokkanna hafa verið tvístígandi í þessum málum þrátt fyrir að mikill meirihluti þjóðarinnar styðji aðskilnað ríkis og kirkju.
2004 var erfitt ár hjá Siðmennt en ekki man ég nú eftir neinu auðveldu ári heldur! Mörg verkefni eru í biðstöðu og mikill kraftur og tími fara í leit að styrkjum og viðurkenningu sem lífsskoðunarfélag á sama grundvelli og trúfélög. En auðvitað gerðist ýmislegt jákvætt, spennandi og gefandi á árinu hjá okkur.
Aðalfundur Siðmenntar var haldinn í gær á veitingahúsinu Kaffi Reykjavík. Tveir nýir félagar voru kosnir í stjórn Siðmenntar, þeir Jóhann Björnsson og Svanur Sigurbjörnsson. Þorsteinn Örn Kolbeinsson hættir nú í stjórn Siðmenntar og þakkar félagið honum vel unnin störf á síðasta starfsári. Hulda Katrín Stefánsdóttir, sem var kjörin í stjórn í fyrra, hætti á miðju kjörtímabili vegna anna.
Á fundinum í gær var nafni félagsins breytt í “Siðmennt – félag siðrænna húmanista á Íslandi”. Einnig voru samþykktar töluverðar breytingar á stefnuskrá Siðmenntar í samræmi við stefnuskrár annarra siðrænna húmanista félaga.
Siðmennt - félag siðrænna húmanista á Íslandi
Æsufelli 4 - 111 Reykjavík
Sími: 557 3734
Netfang: sidmennt@sidmennt.is