Ný stjórn Siðmenntar var kosin á aðalfundi félagsins í gær. Brynjólfur Þór Guðmundsson ákvað að draga sig úr stjórninni að sinni. Siðmennt þakkar Brynjólfi Þór fyrir gott samstarf. Hulda Katrín Stefánsdóttir gaf kost á sér til stjórnarsetu á fundinum og var kosin til embættis með öllum greiddum atkvæðum.

Aðalfundur Siðmenntar verður haldinn miðvikudaginn 25. febrúar, kl. 20:00, á veitingahúsinu Kaffi Reykjavík, Vesturgötu.

Á dagskrá eru öll venjuleg aðalfundarstörf. Brynjólfur Þór Guðmundsson lætur af störfum sem stjórnarmaður. Jóhann Björnsson hefur lýst sig tiltækan til stjórnarsetu.

Hægt verður að kaupa kaffi og aðrar léttar veitingar.

Stjórn Siðmenntar hvetur alla til að mæta!

Nokkrir meðlimir í Siðmennt hafa haft samband við stjórn félagsins og bent á að einstaklingar eru í sumum tilfellum ranglega skráðir í trúfélög hjá Hagstofunni. Nokkur dæmi eru til að mynda um að fólk hafi skráð sig úr Þjóðkirkjunni en verið skráð í hana aftur eftir að hafa flutt til útlanda og svo aftur heim. Einnig hefur þetta komið fyrir eftir flutninga innanlands.

Vefur Siðmenntar hefur verið færður á nýjan vefþjón. Vinsamlegast sýnið biðlund ef allt á síðunni virkar ekki eins og það á að gera. Síðan ætti að vera komin í samt lag eftir örfáa daga.